La 20 - BAIBLO ALOO NGMAMI KLƆUKLƆU Ɔ

Kue fami kɛ ha manye yemi

¹ Ke o ngɛ haomi mi, nɛ o tsɛ Yawɛ ɔ, Yawɛ nɛ bu mo tue. Yakob Mawu ɔ nɛ bu o he.

² É je e we klɔuklɔu ɔ nɛ e piɛ o he; é wo mo he wami kɛ je Zion yo ɔ nɔ.

³ Yawɛ ma kai o nike ní ɔmɛ tsuo, nɛ e ma he o sami bɔ ɔmɛ hulɔ.

⁴ E ma ha mo níhi nɛ o ngɛ hlae ɔ, nɛ níhi tsuo nɛ o to ke o maa pee ɔ maa ba mi.

⁵ Ke o ye kunimi ɔ, wa ma hwɔ lele. Wa ma wo aflangaa nɔ ngɛ wa Mawu ɔ hɛ mi kɛ tsɔɔ kaa wa bua jɔ. Yawɛ nɛ ha mo níhi tsuo nɛ o fa a he kue ɔ.

⁶ Jehanɛ lɛɛ i le kaa Yawɛ ma he nɔ nɛ e pɔ lɛ nu ɔ yi wami. E maa bu lɛ tue kɛ maa je e hiɔwe klɔuklɔu ɔ; e maa piɛ e he kɛ ye kunimi nguanguahi.

⁷ Ni komɛ fĩaa kɛ fɔɔ a ta zugba lɛhi a nɔ; ni komɛ hu fĩaa kɛ fɔɔ a we okpɔngɔhi a nɔ; se wɔɔ lɛɛ Yawɛ, wa Mawu ɔ biɛ mi wa fĩaa ngɛ.

⁸ Mɛɛ a ma tɛ nɔ, nɛ a maa nɔɔ si, se wɔɔ lɛɛ wa maa te kɛ da si kɛ he wami.

⁹ Yawɛ, mo he matsɛ ɔ yi wami; ke wa tsɛ mo ɔ, bu wɔ tue.