La 150 - BAIBLO ALOO NGMAMI KLƆUKLƆU Ɔ

Nyɛ je Yawɛ yi

¹ Nyɛ je Yawɛ yi! Nyɛ je Mawu yi ngɛ e he klɔuklɔu ɔ; nyɛ je e yi ngɛ e bɔku kpetekpleenyɛ ɔ mi!

² Nyɛ je e yi ngɛ he wami níhi nɛ e tsu ɔ a he; nyɛ je e yi, ejakaa e kle agbo.

³ Nyɛ kpa titimati kɛ je e yi, nyɛ je e yi kɛ saku, kɛ kpa saku!

⁴ Nyɛɛ fia miɛ, nɛ nyɛɛ do kɛ je e yi; nyɛ je e yi kɛ kpa saku, kɛ bɛ!

⁵ Nyɛ je e yi kɛ gɔgɔ nɛ nya wa; nyɛ je e yi kɛ gɔgɔ nɛ jijeɔ!

⁶ Nɔ́ tsuaa nɔ́ nɛ woɔ mumi ɔ, e je Yawɛ yi! Nyɛ je Yawɛ yi.