La 149 - BAIBLO ALOO NGMAMI KLƆUKLƆU Ɔ

Yi jemi la

¹ Nyɛ je Yawɛ yi! Nyɛ la la he kɛ ha Yawɛ. Nyɛ je e yi ngɛ ni klɔuklɔu ɔmɛ a kpe ɔ mi!

² Israel, nya o bɔlɔ ɔ he. Zion bi, nyɛ nya nyɛ matsɛ ɔ he.

³ Á do nɛ a kɛ je e yi. Á la nɛ a fiɛ do, nɛ a fia saku kɛ je e yi.

⁴ Ejakaa Yawɛ naa e ma a he bua jɔmi. E haa nihi nɛ baa a he si yeɔ kunimi.

⁵ Ni klɔuklɔu ɔmɛ nɛ a hwɔ lele kɛ tsɔɔ kaa a ye kunimi niinɛ, nɛ a la kɛ bua jɔmi nyɔ mi tsuo.

⁶ Á la kɛ he wami kɛ je Mawu yi. Jamɛ a be ɔ mi ɔ, á hɛɛ klaate nya enyɔtsɛ ngɛ a dɛ mi,

⁷ konɛ a kɛ gbla je ma amɛ a tue ngɛ yayami nɛ a pee ɔ he.

⁸ Á wo a matsɛmɛ ɔmɛ kɔsɔkɔsɔ, nɛ a we ablade ɔmɛ ɔ, a bɔ mɛ dade pã;

⁹ a gbla je ma amɛ a tue kaa bɔ nɛ a ngma kɛ to ɔ. Mawu ma a tsuo ye kunimi! Nyɛ je Yawɛ yi!