La 138 - BAIBLO ALOO NGMAMI KLƆUKLƆU Ɔ

Sina

¹ Yawɛ, i ngɛ mo si nae kɛ ye tsui tsuo. I ngɛ lae kɛ ngɛ o yi jee ngɛ Mawu kpa amɛ a hɛ mi po.

² I ngɔ ye hɛ mi kɛ bu si kɛ kpee sɔlemi we klɔuklɔu ɔ; nɛ i ngɛ mo si nae kaa o suɔmi ɔ ngɛ daa, nɛ o yeɔ anɔkuale jã kɛ̃. Jehanɛ hu o ha nɛ a na kaa o biɛ kle pe biɛ tsuaa biɛ, nɛ o munyu hu he jua wa pe nɔ́ tsuaa nɔ́.

³ Ligbi ɔ nɛ i tsɛ mo ɔ, o he nɔ. O wo mi kã, nɛ ye nɔ gbagba te.

⁴ Yawɛ, matsɛmɛ ɔmɛ tsuo nɛ ngɛ je ɔ mi ɔ ma je o yi, ejakaa munyu nɛ je o nya a, a nu.

⁵ A ma la kɛ gba nyakpɛ níhi nɛ o pee ɔ; a ma la ma de ke o hɛ mi nyami ɔ kle.

⁶ Yawɛ ngɛ hiɔwe lokoo mohu, se nɔ nɛ baa e he si ɔ, e hɛ hii e nɔ; nɔ nɛ woɔ e he nɔ ɔ lɛɛ e he sane ko pi Yawɛ sane.

⁷ Ke i ngɛ amanehlu mi ɔ, mo lɛ o jeɔ mi kɛ jeɔ mi. Ke ye he nyɛli kɛ abofu ba na mi ɔ, o kɛ mɛ kpee, nɛ o kɛ o he wami kpetekpleenyɛ ɔ heɔ ye yi wami.

⁸ Yawɛ, yi mi nɛ o to ha mi ɔ, o maa ye nɔ, ejakaa Yawɛ, o suɔmi ɔ ngɛ kɛ yaa neneene. Ní tsumi nɛ o je sisi ɔ, koo ngmɛɛ he.