La 130 - BAIBLO ALOO NGMAMI KLƆUKLƆU Ɔ

Kue fami kɛ ha yemi kɛ buami

¹ Yawɛ, i ngɛ kue fae ha mo, ejakaa ye yi fi wawɛɛ nitsɛ.

² Nyɔmtsɛ, bu mi tue; bu ye pɛɛ kpami ɔ tue.

³ Ke mo Mawu o ke o maa kane yayamihi ɔ, Yawɛ, mɛnɔ maa ye e he.

⁴ Se o ngɔɔ yayami kɛ paa, konɛ a ye mo gbeye.

⁵ I ngɛ Yawɛ blɔ hyɛe; e munyu ɔ nɔ i ngɔ ye hɛ kɛ fɔ.

⁶ Ee, Yawɛ blɔ pɛ i ngɛ hyɛe. I ngɛ lɛ blɔ hyɛe pe bɔ nɛ ma he buli huɔɔ nyɔnyɔɔnyɔ kɛ ya suu mɔtu ɔ.

⁷ Israel, ngɔɔ o hɛ kɛ fɔ Yawɛ nɔ, ejakaa Yawɛ suɔmi ɔ be nyagbe; lɛ nɛ e heɔ wa yi wami.

⁸ Lɛ nɔuu lɛ e ma kpɔ Israel kɛ je a he yayamihi tsuo a mi.