La 13 - BAIBLO ALOO NGMAMI KLƆUKLƆU Ɔ

Kue fami kɛ ha yemi kɛ buami

¹ Yawɛ, kɛ yaa si mɛni be nɛ o hɛ maa je ye nɔ? Kɛ yaa neneene lo? Mɛni be o maa laa mi kɛ yaa si?

² Mɛni be ma na nɔ́ kɛ yaa si? Aywilɛho ma hyi ye tsui mi daa ligbi kɛ yaa si mɛni be? Ye he nyɛli ma ná ye he blɔ daa nɛ kɛ yaa si mɛni be?

³ Yawɛ, ye Mawu! Moo hyɛ mi, nɛ o ha mi heto. Ha mi nɔmlɔ tso he wami, konɛ ma ko gbo.

⁴ Ke pi ja a, ye he nyɛli ɔmɛ ma de ke, “Wa ye e nɔ.” A ma nya kaa a nine su ye nɔ.

⁵ Se imi lɛɛ, o suɔmi nɛ ngɛ daa a, lɔ ɔ nɔ lɛ i ngɔ ye hɛ kɛ fɔ. Ma ná bua jɔmi, ejakaa o ma he ye yi wami.

⁶ Ma la kɛ je mo Yawɛ o yi, ejakaa o pee ye hiami ní ɔmɛ ha mi.