La 128 - BAIBLO ALOO NGMAMI KLƆUKLƆU Ɔ

Hiɔwo kpakpa jeɔ Yawɛ tue bumi mi

¹ A gbaa nɔ tsuaa nɔ nɛ yee Yawɛ gbeye, nɛ́ e yeɔ e mlaa amɛ a nɔ.

² O ma na o nya mi ngma bɔ nɛ sa kɛ je ní nɛ o tsuɔ ɔ mi; o bua maa jɔ, nɛ e maa hi ha mo.

³ O yo maa pee kaa wai tso nɛ woɔ yiblii saminyayoo ngɛ o we ɔ mi; nɛ o bimɛ maa bɔle o we okplɔɔ ɔ afɛu mi kaa oliv tsohi nɛ tsɛ̃ kɛ ma.

⁴ Nyumu nɛ yeɔ Yawɛ gbeye ɔ, niinɛ, bɔ nɛ a maa gbaa lɛ ji nɛ ɔ nɛ.

⁵ Yawɛ nɛ gbaa mo kɛ je Zion. O wami be ɔ tsuo ɔ, o na bɔ nɛ Yerusalem ma plɔke ha.

⁶ O wa, nɛ o na o bibimɛ. Tue mi jɔmi nɛ ba Israel ma a mi!