La 126 - BAIBLO ALOO NGMAMI KLƆUKLƆU Ɔ

Ba kpɔ mi

¹ Benɛ Yawɛ kpale wɔ kɛ je ma se kɛ ba Zion ekohu ɔ, e pee wɔ kaa pe wa ngɛ nlae.

² Jamɛ a be ɔ mi ɔ, wa muɔ jɛɛ, nɛ wa la bua jɔmi la boboobo. Je ma amɛ hu de a sibi ke, “Yawɛ tsu ní nguanguahi ha mɛ.”

³ Niinɛ, Yawɛ tsu nyakpɛ níhi ha wɔ, lɔ ɔ he nɛ wa bua jɔ wa he nɛ wa ngɛ nyae ɔ nɛ!

⁴ Yawɛ, moo kpale wɔ kɛ ba wɔ nitsɛmɛ wa zugba nɔ kaa bɔ nɛ hiɔmi nɛɛ nɛ zugba gbigbli naa nyu babaaba ekohu ɔ.

⁵ Nihi nɛ du ní kɛ vo nyu ɔ ma kpa ní kɛ bua jɔmi.

⁶ Nɔ nɛ vo nyu hii e hɛ mi kɛ ya duɔ ní ɔ, e maa tloo niba ní kɛ ba we mi kɛ bua jɔmi.