La 125 - BAIBLO ALOO NGMAMI KLƆUKLƆU Ɔ

Mawu ma a naa tue mi jɔmi

¹ Nihi nɛ ngɔɔ a hɛ kɛ fɔɔ Yawɛ nɔ ɔ, a ngɛ kaa Zion yo ɔ. E maa si kpɛii kɛ yaa neneene, nɛ nɔ́ ko nɔ́ ko be nyɛe ma mimiɛ lɛ.

² Bɔ nɛ yohi bɔle Yerusalem kɛ kpe ɔ, ja Yawɛ he wami ɔ bɔle e ma a kɛ kpe kɛ je be nɛ ɔ mi kɛ yaa neneene tsuo.

³ Yiwutsotsɛmɛ be nihi nɛ peeɔ nɔ́ nɛ da a a zugba nɔ yee daa, ke pi ja a, dali po maa pee yayami.

⁴ Yawɛ, nihi nɛ peeɔ kpakpa, kɛ nihi nɛ peeɔ nɔ́ nɛ da kɛ je a tsui mi ɔ, ha nɛ e hi ha mɛ.

⁵ Nihi nɛ a blɔ ɔmɛ dɛ ɔ, Yawɛ maa gbla a kɛ yayami peeli tsuo a tue. He jɔmi nɛ hi Israel.