La 124 - BAIBLO ALOO NGMAMI KLƆUKLƆU Ɔ

Mawu ji e ma a he bulɔ

¹ Ke pi Yawɛ nɛ piɛ wa he ɔ nɛɛ? Israel ha heto koo!

² “Ke pi Yawɛ nɛ piɛ wa he be mi nɛ wa he nyɛli te si kɛ wo wɔ ɔ,

³ jinɛ bɔ nɛ a mi mi fu wɔ wawɛɛ nɛ ɔ, a ko mii wɔ hɛ ngmengmle;

⁴ jinɛ nyu babauu ɔ ko sá wɔ kɛ ho nɛ e ha wa nɔ;

⁵ nɛ nyu hamahama a ko kpata wa hɛ mi pɛsɛpɛsɛ.”

⁶ Nyɛ ha waa na Yawɛ si; ejakaa e ha we nɛ wa plɛ pee wa he nyɛli ɔmɛ a lungu nya lo!

⁷ Wa je a dɛ mi kaa bɔ nɛ lohwe pɛlitsɛ jee ya mi; ya a gba, nɛ wa je mi slɔkee.

⁸ Yawɛ, hiɔwe kɛ zugba bɔlɔ ɔ ji nɔ nɛ piɛɔ wa he.