La 122 - BAIBLO ALOO NGMAMI KLƆUKLƆU Ɔ

Yerusalem yi jemi la

¹ Ye bua jɔ ye he wawɛɛ nitsɛ benɛ a de mi ke, “Waa ho Yawɛ we ɔ ya.”

² Yerusalem, jehanɛ lɛɛ wa ba sɛ o we agbo ɔmɛ a mi!

³ Yerusalem ji ma nguaa saminyayoo nɛ a to lɛ si kɛ e mi nɔ́ tsuaa nɔ́ ngɛ hanɔhanɔ.

⁴ Lejɛ ɔ nɛ Yawɛ wɛtso ɔmɛ yaa ya naa Yawɛ si kaa bɔ nɛ a fa Israel ma a ke a pee ɔ.

⁵ Lejɛ ɔ nɛ Israel matsɛmɛ nɛ ji David nina a hi kɛ kojo ma a.

⁶ Nyɛɛ fa kue nɛ tue mi jɔmi nɛ ba Yerusalem. Nyɛ de ke, “Nihi nɛ suɔ mo Yerusalem ɔ, níhi a mi nɛ hi ha mɛ oo!

⁷ Tue mi jɔmi nɛ ba ma a mi; he jɔmi nɛ hi mɔ ɔmɛ a mi.”

⁸ Ye nyɛmimɛ, kɛ ye huɛmɛ ɔmɛ a he ɔ, ma de Yerusalem ke, “Tue mi jɔmi nɛ hi o mi!”

⁹ Yawɛ wa Mawu ɔ we ɔ he je ɔ, ma hla o nɔ yami.