La 121 - BAIBLO ALOO NGMAMI KLƆUKLƆU Ɔ

Yawɛ ji wa he bulɔ

¹ Ke i wo ye yi nɔ nɛ i hyɛ yoku ɔmɛ ɔ, i biɔ ke jije balɔ maa je kɛ ba?

² Yawɛ, nɔ nɛ bɔ hiɔwe kɛ zugba a, lɛ ji nɔ nɛ piɛɔ ye he.

³ E be hae nɛ o sane kɛ nɔ si. O he bulɔ ɔ, e de we kɔnɔɛ gblegbleegble.

⁴ O nɛ, Israel he bulɔ ɔ de we kɔnɔɛ, nɛ e hwɔ we mahe hulɔ.

⁵ Yawɛ ji o yi baalɔ. E ngɛ o kasa nya, konɛ e bu o he.

⁶ Piani ɔ, pu be mo sããe, nɛ nyɔ mi hu nyɔhiɔ be mo nɔ́ ko pee.

⁷ Yawɛ maa bu o he kɛ je yayami tsuo mi; e maa baa o yi.

⁸ Ke o je kpo jio; o kpale kɛ ma we mi jio, Yawɛ maa bu o he. E maa bu o he kɛ je be nɛ ɔ mi kɛ maa ya neneene.