La 113 - BAIBLO ALOO NGMAMI KLƆUKLƆU ƆMawu yi jemi la 1 A je Yawɛ yi! Nyɛ Yawɛ tsɔli, nyɛ je e yi; nyɛ je Yawɛ biɛ ɔ yi! 2 A je Yawɛ biɛ ɔ yi kɛ je be nɛ ɔ mi kɛ ya neneene. 3 Nihi nɛ ngɛ beleku je, kɛ bonyoku je tsuo, e sa kaa nyɛ je e yi. 4 Yawɛ lɛ yeɔ je ma amɛ tsuo a nɔ, nɛ e hɛ mi nyami ɔ kle kɛ be hiɔwe po he. 5 Nɔ ko be nɛ ngɛ kaa Yawɛ, wa Mawu ɔ nɛ hii si ngɛ hiɔwe, 6 nɛ e ma e yi si kɛ ngɛ hiɔwe, kɛ zugba tsuo hyɛe ɔ. 7 E woɔ humi bi nɔ kɛ jeɔ zu mi; e woɔ ohiatsɛ nɔ kɛ jeɔ kuku nɔ, 8 nɛ e haa nɛ a kɛ lɛ nitsɛ e ma a mi ganɔ ɔmɛ hii si. 9 E haa yosa fɔɔ bi; e plɛɔ peeɔ bimɛ a nyɛ, nɛ e bua jɔɔ e he saminya. A je Yawɛ yi. |
Bible in Dangme © Bible Society of Ghana, 2018.
Bible Society of Ghana