La 11 - BAIBLO ALOO NGMAMI KLƆUKLƆU Ɔ

I ngɔ ye hɛ kɛ fɔ Yawɛ nɔ

¹ I ba sa we ngɛ Yawɛ ngɔ. Mɛni he je lɛ nyɛ deɔ mi ke, “Tee kaa lohwe pɛlitsɛ kɛ ya yo ɔmɛ a nɔ.

² Hyɛ, yayami peeli dɔ a kɛ̃ɛ̃ ɔmɛ; a pee a kɛ̃ɛ̃ mi bi ɔmɛ klaalo nɛ́ a ma tsɛ̃ dali ngɛ diblii mi.

³ Be mi nɛ mlaa gbo, nɛ blɔ nya tomi kpakpa be hu ɔ, mɛni dalɔ ma nyɛ maa pee?”

⁴ Yawɛ ngɛ e we klɔuklɔu ɔ; e matsɛ sɛ ɔ, hiɔwe lɛ e ngɛ. E hɛngmɛ ngɛ nimli adesahi hyɛe ngɛ he tsuaa he; e le níhi nɛ a ngɛ pee.

⁵ Yawɛ kaa dali. Se yayami peeli, kɛ yiwutsotsɛmɛ lɛɛ e sume mɛ kulaa.

⁶ Yawɛ ma ha la nɛ ngɛ tsoe gegeege maa je hiɔwe ba pue yayami peeli a nɔ; nɛ kɔɔhiɔ nɛ mi dɔ la maa fia kɛ wo mɛ.

⁷ Ejakaa Yawɛ ɔ, dalɔ ji lɛ; e suɔ kaa a pee níhi nɛ da. Dali maa na e hɛ mi.