La 101 - BAIBLO ALOO NGMAMI KLƆUKLƆU Ɔ

Matsɛ siwo

¹ Yawɛ, ma la kɛ je o yi kɛ tsɔɔ kaa mɔbɔ nalɔ, kɛ dami sane yelɔ ji mo.

² Ma ba ye je mi saminya, konɛ a ko na piami ko ngɛ ye he. Mɛni be po lɛ o maa ba ye ngɔ? Ma hi si ngɛ mumi mi he tsɔmi mi ngɛ ye we ɔ mi.

³ I be yi wu tso níhi a he susue. Nihi nɛ kua Mawu ɔ, i kɛ mɛ be bɔe. A ní peemi níhi muɛ ye hɛ.

⁴ I be amimi yee, nɛ i kɛ yayami peeli hu be bɔe.

⁵ Nɔ nɛ gbeɔ e nyɛmi he guɛ ngɛ laami mi ɔ, ma kpata e hɛ mi. Nɔ nɛ ngɛ gegeege, nɛ e woɔ e he nɔ ɔ, i kɛ lɛ be bɔe.

⁶ Nihi nɛ yeɔ Mawu anɔkuale ɔ, ma ná a he bua jɔmi, nɛ i kɛ mɛ maa hi si. Ni nɛmɛ nɛ peeɔ nɔ́ nɛ da a, mɛ lɛ a ma sɔmɔ mi.

⁷ Nɔ sisilɔ ko be ye we mi hie; lakpatsɛ ko hu be ye hɛ mi bae.

⁸ I kɛ yayami peeli be bɔe kɔkɔɔkɔ kɛ yaa si ma fie mɛ tsuo kɛ je Yawɛ ma a mi.