Kronika I, 6 - BAIBLO ALOO NGMAMI KLƆUKLƆU Ɔ

Osɔfo nikɔtɔma pe kulaa amɛ a weku kpa

¹ Levi ngɛ binyumuhi nɛ a tsɛɛ mɛ Gershon, Kohat, kɛ Merari.

² Kohat binyumuhi ji Amram, Izhar, Hebron, kɛ Uziel.

³ Amram binyumuhi ji Aaron kɛ Mose. E ngɛ biyo hu nɛ a tsɛɛ lɛ Miriam. Aaron binyumuhi ji Nadab, Abihu, Eleazar, kɛ Itamar.

⁴ Eleazar nina ji nɛ ɔmɛ nɛ: Finehas, Abishua,

⁵ Buki, Uzi,

⁶ Zerahia, Merayot,

⁷ Amaria, Ahitub,

⁸ Zadok, Ahimaaz,

⁹ Azaria, Yohanan,

¹⁰ Azaria (nɔ nɛ ye osɔfo ngɛ sɔlemi we ɔ nɛ Matsɛ Salomo ma ngɛ Yerusalem ɔ),

¹¹ Amaria, Ahitub,

¹² Zadok, Shalum,

¹³ Hilkia, Azaria,

¹⁴ Seraya, kɛ Yehozadak.

¹⁵ Benɛ Yawɛ ha nɛ Nebukadnezar ba nuu nihi nɛ ngɛ Yuda kɛ Yerusalem kɛ ho ɔ, Yehozadak hu piɛ a he.

Levi nina kpahi

¹⁶ Levi binyumuhi ji Gershon, Kohat, kɛ Merari.

¹⁷ Gershon bimɛ ji Libni kɛ Shimei.

¹⁸ Kohat bimɛ ji Amram, Izhar, Hebron, kɛ Uziel.

¹⁹ Merari bimɛ ji Mahli kɛ Mushi.

²⁰ Gershon nina ji nɛ ɔmɛ nɛ: Libni, Yahat, Zima,

²¹ Yoa, Ido, Zera, kɛ Yeaterai.

²² Kohat nina ji nɛ ɔmɛ nɛ: Aminadab, Kora, Asir,

²³ Elkana, Ebiasaf, Asir,

²⁴ Tahat, Uriel, Uzia, kɛ Shaul.

²⁵ Elkana ngɛ bimɛ nɛ a tsɛɛ mɛ Amasai kɛ Ahimot.

²⁶ Ahimot nina ji nɛ ɔmɛ nɛ: Elkana, Zofai, Nahat,

²⁷ Eliab, Yeroham, kɛ Elkana.

²⁸ Samuel bimɛ ji Yoel, e bitɛte ɔ, kɛ e senɔ Abiya.

²⁹ Merari nina ji nɛ ɔmɛ nɛ: Mahli, Libni, Shimei, Uza,

³⁰ Shimea, Hagai, kɛ Asaya.

Yawɛ we ɔ mi lali

³¹ Nimli nɛ ɔmɛ ji nihi nɛ David ngɔ la he blɔ nya tomi ngɛ Yawɛ we ɔ ngɔ wo a dɛ, benɛ a kɛ somi daka a ya su lejɛ ɔ.

³² Nɛ a tsu lami ní tsumi nɛ ɔ ngɛ kpe he bo tsu ɔ mi kaa bɔ nɛ a to blɔ nya ha mɛ ke a pee ɔ, kɛ ya si be nɛ Matsɛ Salomo ma Yawɛ we ɔ ngɛ Yerusalem.

³³ Nimli nɛ ɔmɛ, kɛ a nina ji nihi nɛ tsu ní tsumi nɛ ɔ nɛ. Kekleekle lali a kuu ɔ, a nya dalɔ ji Heman. Heman je Kohat weku ɔ mi, nɛ e tsɛ ji Yoel. Bɔ nɛ Heman weku kpa a nyɛɛ senyasenya kɛ ya si Yakob nɔ ji nɛ ɔ nɛ: Heman, Yoel, Samuel,

³⁴ Elkana, Yeroham, Eliel, Toa,

³⁵ Zuf, Elkana, Mahat, Amasai,

³⁶ Elkana, Yoel, Azaria, Zefania,

³⁷ Tahat, Asir, Ebiasaf, Kora,

³⁸ Izhar, Kohat, Levi, kɛ Yakob.

³⁹ Lali a kuu enyɔne ɔ, a nya dalɔ ji Asaf. Asaf je Gershon weku ɔ mi, nɛ e tsɛ ji Berekia. Bɔ nɛ Asaf weku kpa a nyɛɛ senyasenya kɛ ya si Levi nɔ ji nɛ ɔ nɛ: Asaf, Berekia, Shimea,

⁴⁰ Mikael, Baaseya, Malkiya,

⁴¹ Etni, Zera, Adaya,

⁴² Etan, Zima, Shimei,

⁴³ Yahat, Gershon, kɛ Levi.

⁴⁴ Lali a kuu etɛne ɔ, a nya dalɔ ji Etan. Etan je Merari weku ɔ mi, nɛ e tsɛ ji Kishi. Bɔ nɛ Etan weku kpa a nyɛɛ senyasenya kɛ ya si Levi nɔ ji nɛ ɔ nɛ: Etan, Kishi, Abdi, Maluk,

⁴⁵ Hashabia, Amazia, Hilkia,

⁴⁶ Amzi, Bani, Shemer,

⁴⁷ Mahli, Mushi, Merari, kɛ Levi.

⁴⁸ A nyɛmimɛ Levi bi ɔmɛ ji nihi nɛ a dla ní tsumi slɔɔtoslɔɔto ɔmɛ tsuo nɛ ngɛ Yawɛ we ɔ kɛ ha.

Aaron nina

⁴⁹ Aaron kɛ e nina lɛɛ a ní tsumi ji kaa a sã sami bɔ, kɛ tsopa kɛ e he via ngɛ bɔ sami la tɛ ɔ nɔ kaa bɔ nɛ a to blɔ nya kɛ ha jami ngɛ he klɔuklɔu pe kulaa a. Mɛ nɔuu ji ni nɛmɛ nɛ daa Israel ma a tsuo nane mi kɛ sãã kpatami bɔ kaa bɔ nɛ Mawu tsɔlɔ Mose fa mɛ ke a pee ɔ.

⁵⁰ Aaron nina ji nɛ ɔmɛ nɛ: Eleazar, Finehas, Abishua,

⁵¹ Buki, Uzi, Zerahia,

⁵² Merayot, Amaria, Ahitub,

⁵³ Zadok, kɛ Ahimaaz.

He nɛ Levi bi ɔmɛ hi

⁵⁴ Aaron nina nɛ ji Kohat weku ɔ, zugba nɛ a ha mɛ ji nɛ ɔ nɛ. Benɛ a fɔ sɔ ngɛ zugba a nɛ a ngɔ kɛ ha Levi bi ɔmɛ ɔ nɔ ɔ, Kohat weku ɔ ji kekleekle weku nɛ a na a blɔ fa mi nɔ́.

⁵⁵ A ha mɛ Hebron ngɛ Yuda zugba a nɔ, kɛ kɔpehi nɛ ji lohwe lɛmi hehi nɛ bɔle ma a.

⁵⁶ Se ngmɔhi, kɛ kɔpehi nɛ ngɛ Hebron ɔ, a kɛ lɔ ɔmɛ ha Yefune bi Kaleb.

^57-59 Mahi nɛ a ngɔ kɛ ha Aaron nina kɛ piɛ Hebron he ji wesa he ma nɛ ɔmɛ, kɛ kɔpehi nɛ bɔle ma nɛ ɔmɛ: Libna, Yatir, Eshtemoa, Hilen, Debir, Ashan, kɛ Bet Shemesh.

⁶⁰ A ha Kohat weku ɔ ma nɛ ɔmɛ, kɛ kɔpehi nɛ bɔle ma amɛ kɛ je Benyamin wɛtso ɔ zugba mi: Geba, Alemet, kɛ Anatot. Lɔ ɔ he ɔ, mahi tsuo nɛ a ha Kohat weku ɔ nɛ a hi mi ji nyɔngma kɛ etɛ.

⁶¹ Jehanɛ, a fɔ sɔ kɛ dla zugba kɛ ha Kohat bi nɛ piɛ ɔ, nɛ a na ma nyɔngma kɛ je Manase wɛtso fa a zugba mi.

⁶² A ha Gershon weku ɔ ma nyɔngma kɛ etɛ we puɔ nya we puɔ nya ngɛ Bashan zugba a nɔ kɛ je wɛtso nɛ ɔmɛ a zugba mi: Isakar, Asher, Naftali, kɛ Manase fa a.

⁶³ Merari weku ɔ hu, a ha mɛ ma nyɔngma kɛ enyɔ we puɔ nya we puɔ nya kɛ je wɛtso nɛ ɔmɛ a zugba mi: Ruben, Gad, kɛ Zebulun.

⁶⁴ Blɔ nɔ nɛ Israel bi ɔmɛ gu kɛ dla mahi, kɛ a he kɔpehi kɛ ha Levi bi ɔmɛ nɛ a hi mi ji nɛ ɔ nɛ.

⁶⁵ (Mahi nɛ a ha Levi bi ɔmɛ kɛ je Yuda wɛtso ɔ, Simeon wɛtso ɔ, kɛ Benyamin wɛtso fa a mi ɔ, a fɔ sɔ kɛ hla jamɛ a ma amɛ.)

^66-69 Efraim wɛtso ɔ ha Kohat bi ɔmɛ ekomɛ wesa he ma nɛ ɔmɛ, kɛ kɔpehi nɛ bɔle ma amɛ: Shekem ngɛ Efraim yo ɔ nɔ, Gezer, Yokmeam, Bet Horon, Aiyalon, kɛ Gat Rimon.

⁷⁰ Jehanɛ, Manase wɛtso fa a nɛ piɛ ɔ hu ha Kohat bi ɔmɛ Aner, Bileam kɛ kɔpehi nɛ bɔle ma nɛ ɔmɛ.

⁷¹ Wesa he mahi, kɛ a he kɔpehi nɛ Manase wɛtso fa a ha Gershon weku ɔ ji Golan ngɛ Bashan, kɛ Ashtarot.

⁷² Isakar wɛtso ɔ ha mɛ Kedesh, Daberat,

⁷³ Ramot, Anbem, kɛ kɔpehi nɛ bɔle ma nɛ ɔmɛ.

⁷⁴ Asher wɛtso ɔ ha mɛ Abdom, Mashal,

⁷⁵ Hukok, Rehob, kɛ kɔpehi nɛ bɔle ma nɛ ɔmɛ.

⁷⁶ Naftali wɛtso ɔ ha mɛ Kedesh ngɛ Galilea, Hamon, Kiriataim, kɛ kɔpehi nɛ bɔle ma nɛ ɔmɛ.

⁷⁷ Zebulun wɛtso ɔ ha Merari bi ɔmɛ nɛ piɛ ɔ ma nɛ ɔmɛ, kɛ kɔpehi nɛ bɔle ma amɛ: Rimono, kɛ Tabor.

^78-79 Ruben wɛtso ɔ ha mɛ ma nɛ ɔmɛ, kɛ a he kɔpehi ngɛ Yordan pa a se ngɛ Yeriko Bezer ngɛ nga a nɔ: Yaza, Kedemot, kɛ Mefaat.

⁸⁰ Gad wɛtso ɔ ha mɛ Ramot ngɛ Gilead, Mahanaim,

⁸¹ Heshbon, Yazer, kɛ kɔpehi nɛ bɔle ma nɛ ɔmɛ.