Kronika I, 3 - BAIBLO ALOO NGMAMI KLƆUKLƆU Ɔ

Matsɛ David bimɛ

^1-3 David binyumuhi nɛ a fɔ ha lɛ ngɛ Hebron ɔ, a biɛhi ngɛ a wami nya ji, Amnon, Yezreel yo Ahinoam bi ɔ Daniel, Karmel yo Abigail bi ɔ Absalom, Geshur matsɛ, Talmai biyo Maaka bi ɔ Adoniya, Hagit bi ɔ Shefatia, Abital bi ɔ Itream, Egla bi ɔ.

⁴ Jeha kpaago kɛ fa a nɛ David ye matsɛ ngɛ Hebron ɔ, jamɛ a be ɔ mi a fɔ bimɛ ekpa nɛ ɔmɛ tsuo. E ye matsɛ ngɛ Yerusalem jeha nyingmi etɛ kɛ etɛ,

⁵ nɛ a fɔ binyumuhi babauu ha lɛ ngɛ lejɛ ɔ. E kɛ e yo Batsheba, Amiel biyo ɔ fɔ binyumuhi eywiɛ. A biɛhi ji Shimea, Shobab, Natan, kɛ Salomo.

⁶ David ngɛ binyumu kpahi nɛɛ. Mɛ ji Ibhar, Elishua, Elpelet,

⁷ Noga, Nefeg, Yafia,

⁸ Elishama, Eliada, kɛ Elifelet.

⁹ David binyumuhi ji ni nɛ ɔmɛ tsuo; slo e plã amɛ hu a bimɛ. A ngɛ nyɛmiyo nɛ a tsɛɛ lɛ Tamar.

Matsɛ Salomo nina

¹⁰ Matsɛ Salomo nina ji nɛ ɔ nɛ, kɛ je tsɛ nɔ kɛ ya si bi nɔ: Salomo, Rehoboam, Abiya, Asa, Yehoshafat,

¹¹ Yehoram, Ahazia, Yoash,

¹² Amazia, Uzia, Yotam,

¹³ Ahaz, Hezekia, Manase,

¹⁴ Amon, kɛ Yosia.

¹⁵ Yosia ngɛ binyumuhi eywiɛ. A biɛhi ngɛ a wami nya ji Yohonam, Yehoyakim, Zedekia, Yoahaz.

¹⁶ Yehoyakim ngɛ binyumuhi enyɔ: Yehoyakin kɛ Zedekia.

Matsɛ Yehoyakin nina

¹⁷ Matsɛ Yehoyakin nɛ Babilonia bi ɔmɛ ba ngɔ lɛ kɛ ho ɔ, e nina ji nɛ ɔmɛ nɛ. Yehoyakin ngɛ binyumuhi nɛ a tsɛɛ mɛ Shealtiel,

¹⁸ Malkiram, Pedaya, Shenazar, Yekamia, Hoshama, kɛ Nedabia.

¹⁹ Pedaya binyumuhi ji Zerubabel kɛ Shimei. Zerubabel ngɛ binyumuhi enyɔ: Meshulam kɛ Hanania. A ngɛ nyɛmiyo nɛ a tsɛɛ lɛ Shelomit.

²⁰ Zerubabel ngɛ binyumu kpahi enuɔ. A biɛhi ji Hashuba, Ohel, Berekia, Hasadia, kɛ Yushab Hesed.

²¹ Hanania ngɛ binyumuhi nɛ a tsɛɛ mɛ Pelatia kɛ Yeshaya. Yeshaya bi ji Refaya, Refaya bi ji Arnan, Arnan bi ji Obadia, Obadia bi ji Shekania.

²² Shekania ngɛ binyumu nɛ a tsɛɛ lɛ Shemaya, kɛ bibimɛ nɛ a biɛhi ji Hatush, Igal, Baria, Nearia, kɛ Shafat.

²³ Nearia ngɛ binyumuhi etɛ: Elioenai, Hizkia, kɛ Azrikam.

²⁴ Elioenai ngɛ binyumuhi kpaago. A biɛhi ji Hodavia, Eliashib, Pelaya, Akub, Yohanan, Delaya, kɛ Anani.