Kronika I, 1 - BAIBLO ALOO NGMAMI KLƆUKLƆU Ɔ

Kɛ je Adam nɔ kɛ ya si Abraham nɔ

¹ Adam bi ji Set, Set bi ji Enosh, Enosh bi ji Kenan,

² Kenan bi ji Mahalalel, nɛ Mahalalel bi ji Yared.

³ Yared bi ji Enok, Enok bi ji Metusela, Metusela bi ji Lamek,

⁴ nɛ Lamek bi ji Noa. Noa bimɛ ji Shem, Ham, kɛ Yafet.

⁵ Yafet bimɛ ji Gomer, Magog, Madai, Yavan, Tubal, Meshek, kɛ Tiras.

⁶ Gomer nina ji Ashkenaz bi, Rifat bi, kɛ Togarma bi.

⁷ Yavan nina ji Elisha bi, Spania bi, Kipro bi, kɛ Roda bi.

⁸ Ham bimɛ ji Kush, Egipt, Libia, kɛ Kanaan.

⁹ Kush nina ji Seba bi, Havila bi, Sabta bi, Raama bi, kɛ Sabteka bi. Raama nina ji Sheba bi, kɛ Dedan bi.

¹⁰ Kush bi ji Nimrod; lɛ ji kekleekle nɔ nɛ he biɛ kaa nɔmlɔ ngua ngɛ je ɔ mi.

¹¹ Egipt nina ji Lidia bi, Anam bi, Lehab bi, Naftu bi,

¹² Patrus bi, Kaslu bi, kɛ Kret bi (ni nɛmɛ a mi nɛ Filisti bi ɔmɛ je ɔ).

¹³ Kanaan bimɛ ji Sidon (e kekleekle bi ɔ), kɛ Het,

¹⁴ nɛ e nina ji Yebus bi, Amor bi, Girgash bi,

¹⁵ Hiv bi, Ark bi, Sin bi,

¹⁶ Arvad bi, Zemar bi, kɛ Hamat bi.

¹⁷ Shem bimɛ ji Elam, Ashur, Arpakshad, Lud, Aram, Uz, Hul, Geter, kɛ Meshek.

¹⁸ Arpakshad bi ji Shela, nɛ Shela bi ji Eber.

¹⁹ Eber ngɛ bimɛ enyɔ; a tsɛɛ nɔ kake ke Peleg, ejakaa e yi nɔ nɛ a gba nimli nɛ ngɛ je ɔ mi ɔ a mi kɛ wo gbi slɔɔtoslɔɔto ɔmɛ a mi. Nɔ kake hu biɛ ji Yoktan.

²⁰ Yoktan bimɛ ji Almodad bi, Shelef bi, Hazarmavet bi, Yera bi,

²¹ Hadoram bi, Uzal bi, Dikla bi,

²² Ebal bi, Abimael bi, Sheba bi,

²³ Ofir bi, Havila bi, kɛ Yobab bi.

²⁴ Weku kpa nɛ ngɛ kɛ je Shem nɔ kɛ ya si Abraham nɔ ji nɛ ɔ nɛ: Shem, Arpakshad, Shela,

²⁵ Eber, Peleg, Reu,

²⁶ Serug, Nahor, Tera, kɛ

²⁷ Abram nɛ a tsɛɛ lɛ Abraham hulɔ ɔ.

Ishmael nina

²⁸ Abraham bimɛ ji Isak kɛ Ishmael.

²⁹ Ishmael bimɛ ngɛ a wami nya ji Nebayot (Ishmael kekleekle bi ɔ), Kedar, Adbeel, Mibsam,

³⁰ Mishma, Duma, Masa, Hadad, Tema,

³¹ Yetur, Nafish, kɛ Kedema.

³² Abraham ngɛ plã ko nɛ a tsɛɛ lɛ Ketura. E kɛ lɛ fɔ bimɛ nɛ ɔmɛ: Zimran, Yokshan, Medan, Midian, Ishbak, kɛ Shua. Yoshan bimɛ ji Sheba kɛ Dedan.

³³ Midian hu bimɛ ji Efa, Efer, Hanok, Abida, kɛ Eldaa.

Esau nina

³⁴ Abraham bi ji Isak, nɛ Isak bimɛ ji Esau kɛ Yakob.

³⁵ Esau bimɛ ji Elifaz, Reuel, Yeush, Yalam, kɛ Kora.

³⁶ Elifaz bimɛ ji Teman, Omar, Zefi, Gatam, Kenaz, Timna, kɛ Amalek,

³⁷ nɛ Reuel bimɛ ji Nahat, Zera, Shama, kɛ Miza.

Edom zugba a nɔ kekleekle bi

^38-42 Nihi nɛ hi Edom zugba a nɔ kekleekle ɔ a nɛmɛ ji Seir bimɛ nɛ ɔmɛ: Lotan nɛ ji Hori kɛ Homam weku ɔmɛ a nɛ̃. Lotan ngɛ nyɛmiyo ko nɛ a tsɛɛ lɛ Timna. Shobal nɛ ji Alvan, Manahat, Ebal, Shefi, kɛ Onam a nɛ̃. Zibeon nɛ ji Aya kɛ Ana a tsɛ. Ana bi ji Dishon, nɛ Dishon ji weku nɛ ɔmɛ a nɛ̃: Hamran, Eshban, Itran, kɛ Keran. Ezer nɛ ji weku nɛ ɔmɛ a nɛ̃: Bilhan, Zaavan, kɛ Yaakan. Dishan nɛ ji Uz kɛ Aran weku ɔmɛ a nɛ̃.

Edom matsɛmɛ ɔmɛ

^43-50 Loko a to matsɛ yemi sisi ngɛ Israel ɔ, nihi nɛ ye matsɛ ngɛ Edom zugba a nɔ setsɔsetsɔ ji Bela, Beor bi ɔ nɛ je Dinhaba a Yohab, Zera bi ɔ nɛ je Bozra a Husham nɛ je Teman zugba a nɔ ɔ Hadad, Bedad bi ɔ nɛ je Avit ɔ (Lɛ ji nɔ nɛ ye Midian bi ɔmɛ a nɔ ngɛ ta nɛ a hwu ngɛ Moab zugba a nɔ ɔ mi). Samla nɛ je Masreka a Shaul nɛ je Rehobot ngɛ pa a he ɔ Baal Hanan, Akbor bi ɔ Hadad nɛ je Pau ɔ (E yo biɛ ji Mehetabel, Mezahab biyo Matred bi ɔ)

^51-54 Benɛ Hadad gbo ɔ, wɛtsohi nɛ ngɛ Edom ji Timna, Alva, Yetet, Oholibama, Ela, Pinon, Kenaz, Teman, Mibzar, Magdiel, kɛ Iram.