Ester 10 - BAIBLO ALOO NGMAMI KLƆUKLƆU Ɔ

Matsɛ Ahasuerus kɛ Mordekai

¹ Matsɛ Ahasuerus ha nɛ nihi nɛ ngɛ e nɔ yemi he ɔ ngɛ wo nya je, kɛ hue mi je tsuo tsu ní kpakpataa.

² Ní nguahi, kɛ nyakpɛ níhi tsuo nɛ e pee, kɛ sanehi tsuo nɛ kɔɔ bɔ nɛ e wo Mordekai nɔ nɛ e pee lɛ nɔkɔtɔma a, a ngma ngɛ Persia kɛ Media matsɛmɛ ɔmɛ a yi nɔ sanehi womi ɔmɛ a mi.

³ Yuda no, Mordekai ji Matsɛ Ahasuerus nitsɛ e se yelɔ. E hɛɛ blɔ nya nguaa ngɛ ma, Yuda bi ɔmɛ a kpɛti, nɛ a suɔ lɛ saminya. E hlaa kaa e ma mi bi ɔmɛ nɛ a ya nɔ, nɛ e daa mi ha mɛ konɛ níhi a mi nɛ hi ha mɛ.