Abɛ Womi 4 - BAIBLO ALOO NGMAMI KLƆUKLƆU Ɔ

Nile he se namihi

¹ Ye bimɛ, nyɛɛ bu nɔ́ nɛ nyɛ tsɛ ngɛ nyɛ tsɔɔe ɔ tue saminya, konɛ nyɛɛ le ní.

² Nɔ́ kpakpa lɛ i ngɛ nyɛ tsɔɔe ɔ nɛ; nyɛ ko ngmɛɛ he.

³ Tsaatsɛ kɛ maa a bi kake too ji mi. Benɛ jokuɛyo bɔbɔyoo kɛkɛ ji mi ɔ,

⁴ tsaatsɛ tsɔɔ mi ní. Nɔ́ nɛ e pɔɔ mi demi ji, “Mo kai níhi nɛ i de mo ɔ, nɛ o hɛ ko je a nɔ gblegbleegble. Moo ye mlaa nɛ i wo mo ɔ nɔ, konɛ o yi nɛ na wami.

⁵ Moo le ní, nɛ o nu ní a sisi. Níhi nɛ i de mo ɔ, o hɛ ko je a nɔ.

⁶ Ko si nile se kɔkɔɔkɔ. Suɔ nile, konɛ e baa o yi, nɛ e bu o he.

⁷ Nile ji nɔ́ nɛ he hia pe kulaa. Lɔ ɔ he ɔ, hla nile se blɔ. Nɔ́ tsuaa nɔ́ nɛ o ma ná a, kɛ hla ní a sisi numi.

⁸ Bu nile, nɛ e maa pee mo nɔmlɔ ngua; fua lɛ atuu, nɛ e maa wo o hɛ mi nyami.

⁹ E maa pee kunimi yemi jlasi nɛ a kɛ fi o yi.”

¹⁰ Ye bi, bu mi tue. Munyuhi nɛ i tu mo ɔ, moo ngɔ, konɛ o se nɛ kɛ ngɛ je mi.

¹¹ I tsɔɔ mo nile, kɛ blɔ nɛ da nɛ sa nɛ o nyɛɛ nɔ.

¹² Ke o ngɛ nyɛɛe ɔ, o be nɔ́ tɛe; ke o ngɛ fo tue ɔ, o be si nɔe.

¹³ Kai slɔmi gbi nɛ a ha mo ɔ daa; koo ngmɛɛ he. Lɔ ɔ ji o wami.

¹⁴ Koo ya he nɛ yayami peeli ngɛ. Ko ya nyɛɛ yiwutsotsɛmɛ a se.

¹⁵ Ee, moo yu o he; koo ya lejɛ ɔ! Gba blɔ nɛ o be kɛ ho.

¹⁶ Ke yiwutsotsɛmɛ pee we nɔ́ yayami ko ɔ, a nyɛ we nɛ a hwɔɔ mahe. Mahe jeɔ a hɛ mi kɛ ya siɔ be nɛ a yeɔ nɔ ko awi loko a hwɔɔ mahe.

¹⁷ Yayami peemi ji abolo nɛ a yeɔ, nɛ basabasa ji wai nɛ a nuɔ.

¹⁸ Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

¹⁹ Yayami peeli lɛɛ a blɔ nɔ woɔ diblii kpii kaa nyɔ mi. A tɛɔ nɔ́ nɛ a nɔɔ si, se a li nɔ́ nɛ ji.

²⁰ Ye bi, bu ye munyu ɔmɛ tue, nɛ o nu nɔ́ nɛ i ngɛ mo dee ɔ saminya.

²¹ O hɛ ko je munyu ɔmɛ a nɔ. Ngɔɔ kɛ to o tsui mi tɔɔ.

²² Nɔ nɛ nuɔ munyu nɛ ɔmɛ a sisi ɔ, e naa wami nɛ e hii nɔmlɔ tso he wami saminya be tsuaa be.

²³ Susu o yi mi saminya loko o pee nɔ́ ko, ejakaa lɔ ɔ nɔ o wami daa si ngɛ.

²⁴ Nɔ́ ko nɛ pi anɔkuale ɔ, ko de. Lakpa munyu, kɛ níhi nɛ ngɛ kaa ja kó je o nya mi.

²⁵ Hyɛ o hɛ mi tɛɛ. Ko plɛ o yi kɛ ya hiɛ, loo hiɛ.

²⁶ Ke o maa pee nɔ́ ko ɔ, susu he saminya. Ja o pee ja loko o blɔhi maa da mo.

²⁷ Koo pee yayami. Ko gba kɛ je blɔ nɛ da nɔ; yaa o hɛ mi tɛɛ.