Abɛ Womi 19 - BAIBLO ALOO NGMAMI KLƆUKLƆU Ɔ

¹ Ohiatsɛ nɛ yeɔ anɔkuale ɔ, e hi pe kuasia nɛ yeɔ lakpa.

² Nɔ nɛ li nɔ́ ɔ, e ní ngɛ mɔbɔ. Nɔ nɛ nane nya sɔɔ ɔ, e laa blɔ.

³ Ke nɔ ko ya biɛ nɛ haomi ba e nɔ ɔ, kɛkɛ e ngɔ abofu ɔ ya kple Yawɛ mohu nɔ.

⁴ Ke nɔ ko na ní ɔ, e naa huɛmɛ babauu; ohiatsɛ lɛɛ e huɛ kake ɔ po kuaa lɛ.

⁵ Lakpa odase yelɔ be e he yee kɔkɔɔkɔ; nɔ nɛ yeɔ lakpa a, e he be sane mi jee.

⁶ Nɔ nɛ mi mi jɔ ɔ, nihi fuu kɛ lɛ bɔɔ; nɔ nɛ bɔleɔ e nine ɔ, nɔ tsuaa nɔ huɛ ji lɛ.

⁷ Ohiatsɛ lɛɛ e nyɛmimɛ tete po sume lɛ, lɔ ɔ he ɔ, e be nyakpɛ kaa e huɛmɛ tsɛ̃ɔ a he kɛ jeɔ e he. Ke e hla a se blɔ kaa mɛni po, e nine sui a nɔ.

⁸ Nɔ nɛ hlaa nile se blɔ ɔ, e suɔ lɛ nitsɛ e he; nɔ nɛ pɛtɛɔ nile he ɔ, e yaa nɔ.

⁹ Lakpa odase yelɔ be e he yee kɔkɔɔkɔ; nɔ nɛ yeɔ lakpa a, e hɛ mi ma kpata.

¹⁰ Si himi ngɔngɔɛ sɛ́ kuasia, hluu nɛ a ba de ke nyɔguɛ nɛ ye ganɔhi a nɔ.

¹¹ Nɔ nɛ ngɛ juɛmi ɔ, e mi mi fu we mla. Ke nɔ ko tɔ̃ e nɔ nɛ e pui mi ɔ, lɔ ɔ woɔ e hɛ mi nyami.

¹² Ke matsɛ mi mi wo la a, e ngɛ kaa jata nɛ ngɛ huae; se ke e ná nɔ he bua jɔmi ɔ, e ngɛ kaa bɔ́ ngɛ nga nɔ.

¹³ Bi kuasia kɛ e tsɛ woɔ haomi mi. Yo nɛ suɔ pɛ ɔ, e ngɛ kaa tsu nya nyu nɛ ngɛ dɛe kɛ ngɛ si puee kɔ, kɔ, kɔ nɛ nyagbe be he.

¹⁴ We kɛ sika a, tsɛmɛ a dɛ mi nɛ a naa kɛ jeɔ kaa gbosi ní, se yo nɛ le ní ɔ, Yawɛ lɛ haa nɔ.

¹⁵ Pee hejɔ faa, nɛ o wɔ mahe vii bɔ nɛ o suɔ; se hwɔ maa ye mo.

¹⁶ Nɔ nɛ yeɔ Mawu mlaa a nɔ ɔ, e se kɛɔ ngɛ je mi; se nɔ nɛ bui mlaa a, e ma gbo.

¹⁷ Ke o na ohiatsɛ mɔbɔ ɔ, e ngɛ kaa o pa nɔ́ ko ha Yawɛ; nɛ nɔ́ nɛ o pee ɔ, e maa to nane mi ha mo.

¹⁸ Tsɔse o bi ngɛ be nɛ sa mi, nɛ́ o ko ba ha nɛ e hɛ mi nɛ kpata.

¹⁹ Ngmɛɛ mi mi latsɛ he nɛ e ná e tue gblami; ejakaa ke o je lɛ kɛ je haomi mi si kake ɔ, e maa hia kaa o ya je lɛ ngɛ mi ekohu.

²⁰ Bu ga womi tue, nɛ o ha a tu mo slɔmi munyu, konɛ o na nile nɛ o kɛ bu o he hwɔɔ se.

²¹ Nɔmlɔ adesa peeɔ e juɛmi ngɛ níhi babauu a he, se Yawɛ yi mi tomi ɔ pɛ lɛ baa mi.

²² Nɔ́ nɛ a ngɛ hlae ngɛ nɔ tsuaa nɔ dɛ ji kaa e ye anɔkuale; dɛgutsɛ hi pe lakpatsɛ.

²³ Nɔ nɛ yeɔ Yawɛ gbeye ɔ, e wami se kɛɔ; e naa bua jɔmi, nɛ haomi ko haomi ko bɛ e nɔ.

²⁴ Hejɔtsɛ nine tlɔɔ kã mi; dengme loko e kpaleɔ e nine ɔ kɛ baa e nya he ekohu.

²⁵ Gbla he nɔ wolɔ tue, nɛ ni guhi maa kase nile. Ka ní lelɔ hɛ mi, nɛ e maa kase ní kɛ piɛ he.

²⁶ Bi nɛ waa e tsɛ yi mi, nɛ e fieɔ e nyɛ kɛ jeɔ e we mi ɔ, zo, kɛ ahlua e kɛ baa.

²⁷ Ye bi, ke o sume nɛ a slɔ mo ɔ, nile munyuhi ma bɔ mo.

²⁸ Lakpa odase yelɔ ɔ, dami sane yemi he fɛu e ngɛ yeɔ nɛ. Yiwutsotsɛ lɛɛ munyu yaya sɔuu lɛ jeɔ e nya mi.

²⁹ Tue gblami fɔɔ si ha he nɔ woli. Kuasiahi lɛɛ a maa fia a se mi kpa.