Yohane 21 - Somi He Ɔ

Yesu je e he kpo tsɔɔ kaseli kpaago

¹ Ni nɛ ɔmɛ a se ɔ, Yesu kpale je e he kpo tsɔɔ kaseli ɔmɛ ngɛ Tiberia Wo ɔ nya. Nɛ bɔ nɛ e je e he kpo tsɔɔ mɛ ɔ ji nɛ ɔ nɛ.

² Simon Petro kɛ Toma nɛ a tsɛɛ lɛ Didimo ɔ, kɛ Natanael nɛ je Kana ngɛ Galilea a, kɛ Zebedeo bimɛ ɔmɛ, kɛ kaseli ɔmɛ a ti ni kpahi enyɔ hu ngɛ he kake kutuu.

³ Simon Petro de mɛ ke: “I yaa wo.” A de lɛ ke: “Wɔ hu waa kɛ mo maa ya.” A pue nɔ nɛ a ya sɛ lɛ mi, nɛ lɛ nyɔ ɔ mi ɔ a gbi nɔ́ ko.

⁴ Se benɛ je ngɛ nae ɔ, Yesu ba da wo ɔ nya, se kaseli ɔmɛ “li kaa Yesu.

⁵ Jeha nɛ ɔ Yesu bi mɛ ke: “Bimɛ, nyɛ gbe lo ko lo?” A he nɔ ke: “Dɛbi.”

⁶ Nɛ e de mɛ ke: “Nyɛɛ fɔ ya a ngɛ lɛ ɔ hiɛ ɔ nɔ je, nɛ nyɛ ma na nɔ́ ko.” Kɛkɛ nɛ a fɔ ya a, nɛ lo ɔmɛ a hiemi nya a, a nyɛ we ya a nɛ a sã?

⁷ Lɔ ɔ he ɔ kaselɔ n Nyɔmtsɛ ɔ suɔ ɔ de Petro ke: “Nyɔmtsɛ ɔ ʼi.” Jeha nɛ ɔ benɛ Simon Petro nu kaa Nyɔmtsɛ ɔ ʼi ɔ, e kɛ e tade ɔ muɔ e mlɛ mi, ejakaa e hii si kɛ e he gu, nɛ e tu nɔ wo ɔ mi.

⁸ Se kaseli kpa amɛ gu lɛ nyafii ɔ mi kɛ ba, ejakaa a kɛ zutgba he kɛ we, maa pee nine kpɔ mi kami lafa enyɔ loo nɔ́ kɛkɛ, nɛ a ngɛ ya a kɛ lo ɔmɛ sãe.

⁹ Nɛ benɛ a ba kple ɔ, a na hã kɛ la ngɛ lejɛ ɔ nɛ lo pueɔ si ngɛ nɔ, kɛ abolo.

¹⁰ Nɛ Yesu de mɛ ke: “Nyɛɛ kɛ lo nɛ nyɛ gbe piɔ ɔ eko nɛ ba.”

¹¹ Simon Petro ya lɛ ɔ mi nɛ e ya gbla ya a kɛ ba zugba kɛ e mi lo nguahi fuu tɔ, lafa kɛ nyingmi enuɔ kɛ etɛ. Lo ɔmɛ hiɛ kikɛ mohu, se kɛ̃ ɔ ya a gba we.

¹² Yesu de mɛ ke: “Nyɛ ba wo nyɛ nya mi nɔ́ ko.” Kaseli ɔmɛ a ti nɔ ko nɔ ko kɛ́ lɛ bimi ke: “Mɛnɔ ji mo?” Ejakaa a le kaa Nyɔmtsɛ ɔ.

¹³ Kɛkɛ nɛ Yesu ba nɛ e ba kɛ̃ abolo ɔ, nɛ e ngɔ ha mɛ, kɛ lo ɔ hulɔ.

¹⁴ Enɛ ɔ ji si etɛ nɛ Yesu je e he kpo tsɔɔ ekaseli ɔmɛ, benɛ e te si kɛ je gbeje ɔ.

Yesu kɛ Petro

¹⁵ Jeha nɛ ɔ benɛ a ye ni ɔ ta a, Yesu bi Simon Petro ke: “Simon, Yona bi, o suɔ mi pe ni nɛ ɔmɛ lo?” Simon de lɛ ke: “Ee, Mawetsɛ, o le kaa i suɔ mo.” Yesu de lɛ ke: “Lɛɛ ye to bi ɔmɛ!”

¹⁶ Yesu kpale bi lɛ nɔ nɛ ji si enyɔ ke: “Simon, Yona bi, o suɔ mi lo?” E he nɔ ke: “Ee, Mawetsɛ, o le kaa i suɔ mo.” E de lɛ ke: “Hyɛ ye to ɔmɛ!”

¹⁷ Yesu bi lɛ nɔ́ nɛ ji si etɛ ke: “Simon, Yona bi, o suɔ mi lo?” E dɔ Petro kaa e bi lɛ si etɛ sɔuu ke: ‘O suɔ mo lo?’ ɔ; nɛ e de lɛ ke: “Mawetsɛ, o le nihi kulaa, o le kas i suɔ mo.” Yesu de lɛ ke: “Lɛɛ ye to omɛ!

¹⁸ I ngɛ mo dee anɔkuale mi ke: Benɛ o ji niheyo ɔ, mo nitsɛ o miaa nɛ o nyɛɛ he nɛ o suɔ; se ke o bwɔ ɔ, o ma kpã o nine mi, nɛ nɔ kpa maa mia mo, nɛ e kɛ mo maa ya he nɛ o sume.”

¹⁹ (E de enɛ ɔ kɛ tsɔɔ nɔ gbenɔ nɛ e ma gbo kɛ wo Mawu hɛ mi nyami ɔ.) Nɛ benɛ e de lɛ enɛ ɔ ɔ, e de lɛ ke: “Nyɛɛ ye se.”

Yesu kɛ kaselɔ kpa a

²⁰ Se benɛ Petro plɛ e he ɔ, e na kaselɔ nɛ Yesu suɔ ɔ nyɛɛ se, lɛ ji nɔ nɛ kpasa Yesu gugue ngɛ niyeni ɔ si nɛ e bi lɛ ke: “Nyɔmtsɛ, mɛnɔ maa tsɔɔ o se blɔ?” ɔ nɛ.

²¹ Lɔ ɔ he ɔ, benɛ Petro na lɛ ɔ, e bi Yesu ke: “Nyɔmtsɛ, se nɔ nɛ ɔ nɛɛ?”

²² Yesu de lɛ ke: “Ke i suɔ kaa e hi si kɛ ya su ye bami be ɔ, o he sane mɛni ji kɔlɔ ɔ? Moo lɛɛ nyɛɛ ye se!”

²³ Kɛkɛ nɛ munyu nɛ ɔ gbɛ fia ngɛ nyɛmimɛ ɔmɛ a kpɛti ke jamɛ a kaselɔ ɔ be gboe. Kpahu Yesu de we ke e be gboe, se mohu e ke: “Ke i suɔ kaa e hi si kɛ ya su ye bami be ɔ, o he sane mɛni ji kɔlɔ ɔ?”

²⁴ Nɔ nɛ ɔ ji nɔ nɛ yeɔ ni nɛ ɔmɛ a he odase, nɛ lɛ lɛ ngma mi nɛ ɔmɛ ɔ nɛ, nɛ wa le kaa e odase ɔ anɔkuale ʼi.

Nyagbe

²⁵ Ni kpahi fuu hu ngɛ nɛ Yesu pee, nɛ ke a ke a maa ngma lɛ tsuo kakaaka a, i susu kaa je ɔ nitsɛ be nyɛe womihi nɛ jinɛ a maa ngma a maa to.