Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Romabi 1 - Somi He Ɔ

1 Womi nɛ ɔ je Paulo, nɛ ji Yesu Kristo sɔmɔlɔ kɛ bɔfo nɛ a tsɛ lɛ nɛ a je lɛ ngɔ to kɛ ha Sane Kpakpa a fiɛmi ɔ ngɔ.

2 Sane Kpakpa nɛ ɔ ɔ, Mawu wo he si ngɔ to momo kɛ gu e gbali ɔmɛ a nɔ ngɛ Ngmami Klɔuklɔu ɔmɛ a mi.

3 Sane nɛ ɔ kɔɔ e Bi ɔ, nɔ nɛ a je David nina mi fɔ lɛ ngɛ he lo blɔfami ɔ he,

4 nɔ nɛ ngɛ he tsɔmi mumi ɔ nya a, a gu ni gbogboehi a si temi nɔ je lɛ tsɔɔ ngɛ he wami mi kaa Mawu bi, Yesu Kristo, wa Nyɔmtsɛ ɔ.

5 E nɔ i gu nɛ i na dloomi kɛ bɔfo ni tsumi ɔ kone ma ha majemaje ɔ kulaa nɛ bu hemi kɛ yemi ɔ tue, ngɛ e biɛ ɔ he:

6 nihi a kpɛti nɛ nyɛ hu nyɛ ngɛ, nyɛ nihi nɛ a tsɛ nyɛ nɛ nyɛ ba pee Yesu Kristo nihi ɔ.

7 I ngɛ enɛ ɔ ngmae ya ha nihi nɛ Mawu suɔ nɛ ji ni klɔuklɔuhi nɛ a tsɛ mɛ nɛ a ngɛ Roma a kulaa: Dloomi kɛ hejɔmi nɛ je wa tsɛ Mawu ɔ kɛ Nyɔmtsɛ Yesu dɛ mi ɔ ha nyɛ!


Sina sɔlemi

8 Kekleekle ɔ, i ngɛ Yesu Kristo nɔ gue kɛ ngɛ ye Mawu ɔ si nae ngɛ nyɛ kulaa nyɛ he, ejakaa a gbaa nyɛ hemi kɛ yemi ɔ he sane ngɛ je ɔ mi tsuo.

9 Ye dase ji Mawu, nɔ nɛ i sɔmɔɔ ngɛ ye mumi mi ngɛ e Bi ɔ Sane Kpakpa a mi ɔ, kaa i jɔɔ we nyɛ kaimi ligbi ko ligbi ko.

10 I kpaa pɛɛ daa ngɛ ye sɔlemihi a mi, kaa alinɔ Mawu suɔmi nya a, hwɔɔ se ko ɔ, blɔ ma bli ha mi nɛ ma ba nyɛ ngɔ lo.

11 Ejakaa ye hɛ ngɛ jae ngɛ nyɛ he, konɛ ikɛ mumi mi dloomi nike ni ɔ eko ba ha nyɛ, bene pee nɛ a kɛ wo nyɛ he wami.

12 Lɔ ɔ ji kaa, konɛ a wo i kɛ nyɛ tsuo he wami ngɛ hemi kɛ yemi nɛ ngɛ i kɛ nyɛ tsuo wa mi ɔ mi.

13 Se mamimɛ, i suɔ kaa nyɛɛ le kaa i pɔɔ ye yi mi tomi kaa ma ba nyɛ ngɔ kone ma ba na yiblii komɛ ngɛ nyɛ hu nyɛ kpɛti, kaa bɔ nɛ i na ke je majeli kpa amɛ a kpɛti ɔ, se a tsi ye nya kɛ ba ta piɔ.

14 I hɛɛ Helabi kɛ nihi nɛ a pi Helabi, ni leli kɛ nihi nɛ a li ni kulaa hiɔ.

15 Lɔ ɔ he ɔ, ke ka ye nɔ kake ye he ɔ, i ko suɔ kaa nyɛ nihi nɛ nyɛ ngɛ Roma a hulɔ ɔ, ma ba fiɛ Sane Kpakpa a ngɔ tsɔɔ nyɛ.


Sane Kpakpa a hewami

16 Ejakaa Kristo Sane Kpakpa a he zo pee we mi, mɛni he je ɔ, e ji Mawu he wami nɛ a kɛ heɔ nɔ tsuaa nɔ nɛ heɔ yeɔ ɔ yi wami, Yuda no kekle kɛ Hela no hulɔ.

17 Ejakaa kɔlɔ ɔ mi a jeɔ Mawu dami kpo ngɛ, kɛ jee hemi kɛ yemi mi kɛ yaa hemi kɛ yemi mi; kaa bɔ nɛ a ngma ke: “Dalɔ nɛ guu hemi kɛ yemi nɔ ɔ yi ma na wa.”


Adesahi a fɔyemi

18 Ejakaa a jeɔ Mawu mi mi fumi kpo kɛ jee hiɔwe kɛ baa nimli nɛ kɛ ni yayamihi kɛ musu bɔmi tsiɔ anɔkuale ɔ blɔ ɔ kulaa nɔ,

19 ejakaa Mawu he nihi nɛ a ma nyɛ le ɔ jee kpo paa ngɛ a mi, ejakaa Mawu je tsɔɔ mɛ paa.

20 Mɛni he je ɔ, e he nihi nɛ a nɛ́ nɛ ji e neneene hewami kɛ e Mawu nɛ e ji ɔ kulaa a, kɛ je adebɔ sisije lokoo ɔ, a guu e nihi nɛ e pee ɔmɛ a nɔ yɔseɔ nɛ a naa paa, lɔ ɔ he ɔ, a be nya jemi ko.

21 A le Mawu lɛɛ, se a wui e hɛ mi nyami kaa Mawu nɛ a nɛ lɛ si hulɔ, se a epe posoposo ngɛ a juɛmihi a mi, nɛ a tsui nɛ kɔ we sane se ɔ mi wo diblii.

22 A tsɛɛ a he ni leli, se a plɛ kuasiahi.

23 Mawu nɛ puɛ we ɔ hɛ mi nyami ɔ a tsake ngɔ ha nɔmlɔ nɛ puɛɛ ɔ subai henɔ ko kɛ lohwe pɛlitsɛmɛ kɛ lohwe nane eywiɛ eywiɛtsɛmɛ kɛ waami nihi anɔ.

24 Akɛnɛ kuasiahi ji mɛ he je ɔ Mawu ngmɛɛ a he ngɛ a kɔnɔhi nɛ ngɛ tai ɔ mi, nɛ a kɛ mɛ nitsɛmɛ a he peɔ zo nihi.

25 A ngɔɔ Mawu anɔkuale ɔ kɛ tsakee lakpa, nɛ a jaa nɛ a sɔmɔɔ nɔ nɛ Mawu bɔ ɔ pe Bɔlɔ ɔ, nɔ nɛ a gbaa kɛ yaa neneene ɔ! Amen.

26 Enɛ ɔ he je nɛ Mawu ngmɛɛ a he ngɔ ha zo nihi a he hɛdɔmi ɔ nɛ; ejakaa nɔ nɛ a to nɛ a peɔ ɔ, a yi ɔmɛ tsake hɛ mi ngɔ ha nɔ nɛ a pee we.

27 Nɛ ja nɔuu a nyumu ɔmɛ hu jɔɔ yo he nɔ nɛ a to nɛ a peɔ ɔ peemi nɛ a hɛ dɔɔ ngɛ a kɔnɔ yayami ɔ mi kɛ nyɛɛ mɛ nitsɛmɛ a se, nɛ nyumuhi kɛ nyumuhi tsuɔ zo ni, nɛ lɔ ɔ he ɔ a na a tɔmi ɔ he hiɔwo nɛ sa ngɛ mɛ nitsɛmɛ a he.

28 Nɛ kaa bɔ nɛ a bui kaa e sa kaa a leɔ Mawu ngɛ a ni lemi mi ɔ, Mawu hu ngmɛɛ a he ha juɛmi nɛ sɛ, konɛ a pee nihi nɛ sɛ.

29 A hyi tɔ kɛ ni yayamihi, yiwitso, hɛ tsumi, yayami; a hyi tɔ kɛ nyɛmi, awi yemi, pɛ, sisimi, nihi a he munyu tumi;

30 sieku yeli, Mawu nyɛli, nɔ buili, he tsɔɔli, fiali, nɔ́ yayami he ga tsɔli, fɔli a nɔ tue gboli,

31 nihi nɛ be yi mi, kutupɔtsɛmɛ, nihi nɛ nɛ mɔbɔ;

32 nihi nɛ le Mawu mlaa a tutuutu, kaa nihi nɛ tsuɔ lɛ ni nɛ ɔmɛ ɔ, a sa gbenɔ, nɛ kɛ ɔ pi peemi kɛkɛ nɛ a peɔ, se mohu a naa ni nɛ tsuɔ jamɛ a ni nɛ ɔmɛ a he tsui hulɔ.

Dangme New Testament © United Bible Societies, 1977.

United Bible Societies
ကြှနျုပျတို့နောကျလိုကျပါ:



ကြော်ငြာတွေ