Mateo 11 - Somi He Ɔ

Yohane Baptisilɔ ɔ tsɔ kɛ ba Yesu ngɔ

¹ Nɛ e ba mi kaa, benɛ Yesu to e kaseli nyɔngma kɛ enyɔ ɔ blɔ nya ta a, e je lejɛ ɔ nɛ e ya tsɔɔ ni nɛ e fiɛ ngɛ a ma amɛ a mi.

² Jeha nɛ ɔ benɛ Yohane nu Kristo ni tsumi ɔmɛ a he ngɛ tsu ɔ mi ɔ e tsɔ e kaseli ɔmɛ ekomɛ,

³ nɛ a ba bi lɛ ke: “Anɛ mo ji nɔ nɛ ma a, aloo waa hyɛ nɔ kpa ko blɔ?”

⁴ Nɛ Yesu he nɔ nɛ e de mɛ ke: “Nyɛɛ ya nɛ nyɛ ya sɛɛ ha Yohane nɔ nɛ nyɛ ngɛ nue kɛ nɔ nɛ nyɛ ngɛ hyɛe nɔ;

⁵ hɛyuyuili ngɛ nɔ hyɛe, nɛ ninɛmɛ nɛ a hule ɔ ngɛ nyɛɛe; tsitsɛmɛ a he ngɛ tsɔe, nɛ otokuli ngɛ nɔ nue; ni gbogboehi ngɛ si tee, nɛ ohiafo ɔmɛ ɔ, a ngɛ Sane Kpakpa a fiee kɛ ngɛ mɛ tsɔɔe?

⁶ A gbaa nɔ tsuaa nɔ nɛ ye he sane be e nane kpatae.”

Yesu ye Yohane he odase

⁷ Benɛ Yohane kaseli ɔmɛ yaa a, Yesu bɔni Yohane he munyu tumi kɛ ngɛ nihi babauu ɔ tsɔɔe ke: “Mɛni nyɛ ho hyemi ya ngɛ nga a nɔ ɔ? Gla nɛ kɔɔhiɔ mimiɛɛ ɔ lo?

⁸ Aloo mɛni nyɛ ho hyɛmi ya? Nɔmlɔ nɛ woɔ tade bɔdɔɔ? Oʼɛ, nimli nɛ woɔ tade bɔdɔɔ ɔ, matsɛmɛ a wehi a mi a hii.

⁹ Aloo mɛni nyɛ ho hyemi ya? Gbalɔ? Ee, i ngɛ nyɛ dee ke, nɔ nɛ pe gbalɔ tete.

¹⁰ Ejakaa nɔ nɛ ɔ ji nɔ he nɛ a ngma ngɛ ke: ‘Oʼɛ, i ngɛ ye tsɔlɔ ɔ tsɔe kɛ sɛ o hlami, nɔ nɛ ma dla o blɔ ɔ ngɔ to mo ɔ.’

¹¹ Niinɛ, i ngɛ nyɛ dee ke: Nihi nɛ yihi fɔ ɔmɛ a kpɛti ɔ, nɔ ko ti si hyɛ nɛ pe Yohane, Baptisilɔ ɔ; se kɛ ɔ, nɔ nɛ ji nyafii kulaa ngɛ hiɔwe matsɛ yemi ɔ mi ɔ pe lɛ.

¹² Se kɛ je Yohane Baptisilɔ ɔ yi nɔ kɛ ma nɛ ɔ, pani nya a ngɔɔ hiɔwe matsɛ yemi ɔ, nɛ hewali sãa lɛ he wami nya.

¹³ Se gbali ɔmɛ tsuo kɛ Mlaa a gba kɛ ba su Yohane nɔ.

¹⁴ Nɛ ke nyɛ suɔ kaa nyɛ maa hɛɛ mi ɔ, nɔ nɛ ɔ ji Elia nɛ maa ba a nɛ.

¹⁵ Nɔ nɛ ngɛ tue nɛ e kɛ maa nu ɔ, e nu!

¹⁶ “Se mɛni he ma ngɔ kikɛmɛ a yi nɔ bi nɛ ɔmɛ ngɔ to? A ngɛ kaa jokuɛwi nɛ hii si ngɛ jua nɔ nɛ a tsɛɛ a huɛmɛ ke:

¹⁷ ‘Wa kpã bɛ ha nyɛ, nɛ nyɛ dui; wa je ya ha nyɛ, nɛ nyɛ fo we.’

¹⁸ Ejakaa Yohane ba nɛz e yi ni nɛ pohu e nui nɔ́ ko, nɛ a de ke: ‘Mumi yayami ngɛ e mi.’

¹⁹ Nɔmlɔ Bi ɔ ba nɛ e yeɔ ni nɛ jeha nɛ e nuu nɔ ko ɔ, a de ke: ‘Oʼɛ, nyumu jiklɔɔtsɛ kɛ da nulɔ onia tsuli kɛ yayami peeli a huɛ ɔ ji nɛ ɔ nɛ!’ Nɛ a bu Nawu ni lemi ɔ bemi ngɛ e ni tsumi ɔmɛ a nya.”

Mahi nɛ he we yi ɔ

²⁰ Kɛkɛ nɛ e bɔni mahi, hehi nɛ e tsu e he wami ni tsumihi babauu titli ngɛ ɔ a hɛ mi kami akɛnɛ a tsakee we a tsui ɔ, nɛ e ke:

²¹ “Musu tloo mo, Korazin! Musu tloo mo, Betsaida! Ejakaa he wami ni tsumihi nɛ a tsu ngɛ nyɛ mi ɔ, a na nɛ a tsu ngɛ Tiro kɛ Zidon jinɛ a tsake a tsui ngɛ kpekpe kɛ lazu mi momoomo.

²² Se i ngɛ nyɛ dee ke, e be wae ha Tiro kɛ Zidon ngɛ kojomi ligbi ɔ nɔ kaa nyɛ.

²³ Nɛ mo Kapernaum, pi hiɔwe lokoo nɛ a wo o nɔ kɛ su? Gbeje lokoo a maa ba mo si kɛ maa ya; ejakaa he wami ni tsumihi nɛ a tsu ngɛ o mi ɔ, a na nɛ a tsu ngɛ Sodom jinɛ e maa si kɛ ba su mwɔ nɛ ɔ.

²⁴ Se i ngɛ nyɛ dee ke, e be wae ha Sodom zugba a ngɛ kojomi ligbi ɔ nɔ kaa mo Kapernaum.”

Nyɛɛ ba ye ngɔ nɛ ma ha nyɛɛ jɔɔ hyɛ he

²⁵ Jamɛ a be ɔ mi ɔ, Yesu he nɔ nɛ e de ke: “I ngɛ o yi jee, Tsaatsɛ, hiɔwe kɛ zugba nyɔmtsɛ, kaa o ngɔ ni nɛ ɔmɛ ngɔ laa ga leli kɛ ni leli, nɛ o je tsɔɔ bimwɔwi;

²⁶ Ee, Tsaatsɛ, bɔ nɛ sa o hɛ mi ji ja.

²⁷ “Tsaatsɛ tu nihi kulaa ngɔ wo ye dɛ mi; nɛ nɔ ko nɔ ko li Bi ɔ, kaa ja Tsɛ ɔ kɛkɛ; jeha nɛ ɔ, nɔ ko nɔ ko li Tsɛ ɔ, kaa ja Bi ɔ, kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.

²⁸ “Nyɛɛ ba ye ngɔ, nyɛ nihi tsuo nɛ pɔ tɔ nyɛ nɛ nyɛ tlomihi pã nyɛ ɔ, nɛ ma ha nyɛ he jɔmi?

²⁹ Nyɛ wo ye kuɛpã tso ɔ ngɔ fɔ nyɛ nɔ, nɛ nyɛɛ kase mi; se ye he jɔ, nɛ i baa ye he si kɛ jee ye tsui mi; nɛ nyɛ ma na he jɔmi ngɔ ha nyɛ klaa amɛ.

³⁰ Ejakaa ye kuɛpa tso ɔ tloomi wɛ, nɛ ye tlomi ɔ hu jii we.”