Mateo 1 - Somi He Ɔ

Yesu Kristo weku kpa

¹ Yesu Kristo, David biɔ, Abraham bi ɔ, fɔmi he womi ji nɛ ɔ nɛ.

² Abraham fɔ Isak, nɛ Isak fɔ Yakob, nɛ Yakob fɔ Yuda kɛ e nyɛmimɛ ɔmɛ.

³ Yuda kɛ Tamar fɔ Perez kɛ Zera, nɛ Perez fɔ Hezron, nɛ Hezron fɔ Ram;

⁴ nɛ Ram fɔ Aminadab, nɛ Aminadab fɔ Naasson, nɛ Naasson fɔ Salmon;

⁵ nɛ Salmon kɛ Rahab fɔ Boaz, nɛ Boaz kɛ Rut fɔ Obed, nɛ Obed fɔ Isai;

⁶ nɛ Isai fɔ matsɛ David enɛ matsɛ David kɛ Uria yo ɔ fɔ Salomo.

⁷ Nɛ Salomo fɔ Rehabeam, nɛ Rehabeam fɔ Abia, nɛ Abia fɔ Asa,

⁸ nɛ Asa fɔ Yehosafat, nɛ Yehosafat fɔ Yoram, nɛ Yoram fɔ Uzia;

⁹ nɛ Uzia fɔ Yotam, nɛ Yotam fɔ Ahaɛ, nɛ Ahaɛ fɔ Hezekia;

¹⁰ nɛ Hezekia fɔ Manase, nɛ Manase fɔ Amon, nɛ Amon fɔ Yosia;

¹¹ nɛ Yosia fɔ Yékonia kɛ e nyɛmimɛ ɔmɛ benɛ a ba ngɔ mɛ nyɔguɛ kɛ ho Babilon ya a.

¹² Benɛ a ngɔ mɛ nyɔguɛ kɛ ho Babilon ya se ɔ, Yokonia fɔ Sealtiel, nɛ Sealtiel fɔ Zerubabel;

¹³ nɛ Zerubabel fɔ Abiud, nɛ Abiud fɔ Eliakim, nɛ Eliakim fɔ Azor;

¹⁴ nɛ Azor fɔ Sadok, nɛ Sadok fɔ Akim, nɛ Akim fɔ Eliud;

¹⁵ nɛ Eliud fɔ Eleazar, nɛ Eleazar fɔ Matan, nɛ Matan fɔ Yakob;

¹⁶ nɛ Yakob fɔ Yosef nɛ ji Maria nɛ fɔ Yesu nɛ a tsɛɛ lɛ Kristo ɔ huno ɔ.

¹⁷ Lɛɛ yi nɔhi tsuo nɛ je Abraham nɔ kɛ ba su David nɔ ɔ, yi nɔ nyɔngma kɛ eywiɛ; nɛ kɛ je David nɔ kɛ ba su benɛ a ngɔ mɛ nyɔguɛ kɛ ya Babilon ɔ, yi nɔ nyɔngma kɛ eywiɛ; nɛ kɛ je Babilon nyɔguɛ ngɔmi ɔ kɛ ba su Kristo nɔ ɔ, yi nɔ nyɔngma kɛ eywiɛ.

Yesu Kristo fɔmi

¹⁸ Jeha nɛ ɔ, bɔ nɛ Yesu Kristo fɔmi ɔ ngɛ ji nɛ ɔ nɛ: e nyɛ Maria a, benɛ Yosef ya bi e si nɛ e na we nɛ e kpee lɛ ɔ, Maria na kaa e hɛɛ muklii kɛ je Mumi klɔuklɔu ɔ mi.

¹⁹ Se Yosef, e huno ɔ, akɛnɛ dalɔ ji lɛ nɛ e hla we kaa e bɔ lɛ ahlua a, e susu kaa e maa ngmɛɛ e he kpoo.

²⁰ Se benɛ e ngɛ ni nɛ ɔmɛ kulaa a he susue ɔ, oʼɛ, Nyɔmtsɛ ɔ bɔfo je e he kpo ngɔ tsɔɔ lɛ ngɛ nlami mi, nɛ e de lɛ ke: “Yosef, David bi, koo ye o yo Maria a ngɔmi gbeye, se hɔ nɛ e hɛɛ nɛ ɔ ɔ, e je Mumi Klɔuklɔu ɔ mi;

²¹ e ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wmai kɛ je a he yayami ɔmɛ a mi.”

²² Se a pee enɛ ɔmɛ tsuo konɛ nɔ́ nɛ Nyɔmtsɛ ɔ de kɛ gu gbalɔ ɔ nɔ ɔ nɛ ba mi ke:

²³ “Oʼɛ, zangmayo ɔ ma na muklii, nɛ e ma fɔ binyumu, nɛ a maa wo lɛ biɛ ke: Yimanuel” (e sisi ji: “Mawu kɛ wɔ ngɛ”).

²⁴ Lɔ ɔ he ɔ, benɛ Yosef hɛ̃ tsɛ̃ kɛ je mahɛ ɔ mi ɔ, e pee bɔ nɛ Nyɔmtsɛ ɔ bɔfo ɔ de lɛ ɔ, nɛ e ngɔ e yo ɔ;

²⁵ se e li lɛ nyumu kɛ yo hluu kɛ ya su be nɛ e fɔ e bi tete ɔ, nɛ e wo lɛ biɛ ke Yesu.