Kpojemi 8 - Somi He Ɔ

Nya sɔumi nɔ nɛ ji kpaago ɔ

¹ Benɛ Tobi ɔ tsɔ nya sɔumi nɔ́ nɛ ji kpaago ɔ, a pee dii ngɛ hiɔwe maa pee ngmlɛfia fa.

² Nɛ i na hiɔwe bɔfohi kpaago ɔ nɛ daa si ngɛ Mawu hɛ mi ɔ, nɛ a ngɔ Titimati kpaago ngɔ ha mɛ.

³ Nɛ hiɔwe bɔfo kpa ko ba nɛ e ba da bɔ sami latɛ ɔ he, nɛ e hɛɛ sika tsopa ke e he via sami nɔ́, nɛ a ha lɛ tsopa kɛ e he via fuu konɛ e kɛ piɛ klɔuklɔu bi ɔmɛ kulaa a sɔlemi ɔmɛ a he ngɛ sika bɔ sami latɛ nɛ maa si ngɛ matsɛ sɛ ɔ hɛ mi ɔ nɔ.

⁴ Nɛ tsopa kɛ e he via a lasuku ɔ te si kɛ je hiɔwe bɔfo ɔ dɛ mi kɛ ya piɛ klɔuklɔu bi ɔmɛ a kue fami ɔmɛ a he kɛ ho Mawu hɛ mi ya.

⁵ Nɛ hiɔwe bɔfo ɔ wo tsopa kɛ e he via sami nɔ́ ɔ, nɛ e je bɔ sami latɛ ɔ nɔ la a eko ngɔ wo mi tɔtɔɔtɔ, nɛ e ngɔ hɛ pue zugba a nɔ, nɛ hiɔwe simi kɛ gbihi kɛ oslaba gbami kɛ zugba mimiɛmi ba.

Titimati ɔmɛ

⁶ Nɛ hiɔwe bɔfohi kpaago ɔ nɛ hɛɛ titimati kpaago ɔ dla a he konɛ a ma kpa.

⁷ Kekleekle hiɔwe bɔfo ɔ kpa, nɛ gbiɛ ngo ngu loo hiɔmi tɛ kɛ la nɛ muɔ futu mi ba nɛ e ba pue zugba a nɔ, nɛ zugba a mi dlami etɛ mi kake sã, nɛ ba mumuhi tsuo sã.

⁸ Nɛ hiɔwe bɔfo nɛ ji enyɔ ɔ kpa, nɛ a sake nɔ́ ko nɛ ngɛ kaa yoku nɛ ngɛ tsoe kɛ la ngɔ fɔ wo mi, nɛ wo ɔ midlami etɛ mi kake plɛ muɔ,

⁹ nɛ wo ɔ mi nihi nɛ a bɔ nɛ ngɛ wami ɔ a midlami etɛ mi kake gbo, nɛ lɛhi a mi dlami etɛ mi kake hɛ mi kpata.

¹⁰ Nɛ hiɔwe bɔfo nɛ ji etɛ ɔ kpa, nɛ dodoe ngua nɛ ngɛ tsoe kaa ha tsɔ kɛ je hiɔwe ba nɔ si, nɛ e nɔ pa amɛ a mi dlami etɛ mi kake kɛ nyu hɛngmɛ ɔmɛ a nɔ.

¹¹ Dodoe ɔ biɛ ji Doodoomi, nɛ nyu ɔmɛ a mi dlami etɛ mi kake plɛ nɔ́ ko nɛ duɔ, nɛ nimli babauu nɛ nu ɔ gbo, ejakaa e duɔ.

¹² Nɛ hiɔwe bɔfo nɛ ji eywiɛ ɔ kpa, nɛ a fia pu mi dlami etɛ mi kake kɛ nyɔhiɔ mi dlami etɛ mi kake kɛ dodoehi a mi dlami etɛ mi kake nɔ́, nɛ a mi dlami etɛ mi kakaaka a wo diblii, nɛ piani mi dlami etɛ mi kake ɔ, je mi tsɔ we nɛ nyɔ mi hu ja kɛ.

¹³ Nɛ i na, nɛ i nu kɔle ko he nɛ ngɛ tee ngɛ hiɔwe, nɛ e kɛ gbi wawɛɛ ngɛ dee ke: “Musu tloo, musu tloo, musu tloo nihi nɛ ngɛ zugba a nɔ,” benɛ hiɔwe bɔfohi etɛ nɛ piɛ ɔ ma kpa a titimati ɔmɛ ɔ.