Kpojemi 6 - Somi He Ɔ

Nya sɔumi nihi

¹ Kɛkɛ nɛ i na kaa Tobi ɔ tsɔ nya sɔumi kpaago ɔ kake; nɛ i nu kaa hɛ kali eywiɛ ɔmɛ a kpɛti nɔ kake kɛ gbi nɛ ngɛ kaa hiɔwe simi de ke: “Ba nɛ o ba hyɛ!”

² I hyɛ, nɛ oʼɛ, okpɔngɔ hiɔ nɛ nɔ nɛ hii si ngɛ e nɔ ɔ hɛɛ kɛɛ, nɛ a ha lɛ jlasi, nɛ e je kpo kaa kunimi yelɔ, konɛ e ya ye kunimi.

³ Nɛ benɛ Tobi ɔ tsɔ nya sɔumi nɔ́ nɛ ji enyɔ ɔ, i nu nɛ hɛ kalɔ nɛ ji enyɔ ɔ de ke: “Ba nɛ o ba hyɛ!”

⁴ Nɛ okpɔngɔ kpa ko nɛ tsuɔ je kpo, nɛ a ha nɔ nɛ hi e nɔ ɔ he blɔ ke e je he jɔmi kɛ je zugba a nɔ, konɛ nimli nɛ a gbe a he, nɛ a ha lɛ klaate ngua ko.

⁵ Nɛ benɛ Tobi ɔ tsɔ nya sɔumi nɔ́ nɛ ji etɛ ɔ, i nu nɛ hɛ kalɔ nɛ ji etɛ ɔ de ke: “Ba nɛ o ba hyɛ!” I hyɛ, nɛ oʼɛ, okpɔngɔ yumu, nɛ nɔ nɛ hii si ngɛ e nɔ ɔ hɛɛ sɛni ngɛ e dɛ mi.

⁶ Nɛ i nu gbi ko kɛ je hɛ kali eywiɛ ɔmɛ a kpɛti ke: “Ngma susumi nɔ́ kake ligbi kake hiɔwo, blɛfo susumi nihi etɛ ligbi kake hiɔwo, se nu kɛ wai ɔ lɛɛ koo ta he!”

⁷ Benɛ Tobi ɔ tsɔ nya sɔumi nɔ́ nɛ ji eywiɛ ɔ, i nu hɛ kalɔ nɛ ji eywiɛ ɔ gbi ke: “Ba nɛ o ba hyɛ!”

⁸ I hyɛ, nɛ oʼɛ, okpɔngɔ lazu lazu; nɛ nɔ nɛ hii si ngɛ e nɔ ɔ biɛ ji Gbenɔ, nɛ Gbeje nyɛɛ e se; nɛ a ha mɛ he blɔ konɛ a kɛ klaate kɛ hwɔ kɛ gbenɔ hiɔ kɛ zugba a nɔ awi yemi lohewehi nɛ gbe zugba a mi dlami eywiɛ mi kake.

⁹ Kɛkɛ nɛ Tobi ɔ tsɔ nya sɔumi nɔ́ nɛ ji enuɔ ɔ, nɛ i na nihi nɛ a gbe ngɛ Mawu munyu ɔ kɛ odase nɛ a ye ɔ he ɔ a klaahi ngɛ bɔsami latɛ ɔ sisi;

¹⁰ nɛ a kpa ngmlaa wawɛɛ ke: “Nyɔmtsɛ Klɔuklɔu kɛ Anɔkuayelɔ, mɛni be o maa kojo nɛ o maa gbla nihi nɛ ngɛ zugba a nɔ nɛ gbe wɔ ɔmɛ a tue?”

¹¹ A hã a ti nɔ tsuaa nɔ tade hiɔ klɔii, nɛ a de mɛ ke a jɔɔ a he be bɔɔ ko lolo kɛ ya su be nɛ a nyɛmimɛ sɔmɔli ɔmɛ kɛ anyɛmimɛ ɔmɛ hu nɛ a maa gbe mɛ kaa bɔ nɛ a gbe mɛ nitsɛmɛ hu ɔ a hiemi maa sɔ.

¹² Nɛ i na benɛ Tobi ɔ tsɔ nya sɔumi nɔ́ nɛ ji ekpa a, nɛ oʼɛ, zugba mimiɛ wawɛɛ, nɛ pu plɛ kaa kpekpe kotoku yumu, nɛ nyɔhiɔ mluku ɔ plɛ kaa muɔ,

¹³ nɛ hiɔwe dodoehi tsɔ fia si kaa bɔ nɛ ngmɔkɔ tso yiblii ngmlikiti wɔleɔ pueɔ si benɛ kɔɔhiɔ ngua ngɛ fiae ɔ.

¹⁴ Nɛ hiɔwe hɛ lɛ kɛ ho kaa womi nɛ a hluɛ; nɛ a tsitsɛɛ yoku tsuaa yoku kɛ wo kpɔ tsuaa wo kpɔ kɛ je e blɔ he.

¹⁵ Nɛ zugba a nɔ matsɛmɛ ɔmɛ kɛ nimli ngua amɛ kɛ asafoatsɛmɛ ɔmɛ kɛ niatsɛmɛ ɔmɛ kɛ he wali ɔmɛ, kɛ nyɔguɛ tsuaa nyɔguɛ kɛ odehe tsuaa odehe ya laa a he ngɛ muɔhi a mi kɛ tɛkplohi a mi,

¹⁶ nɛ fa de yoku ɔmɛ kɛ tɛ sa amɛ ke: “Nyɛ ba nɔ wa nɔ nɛ nyɛɛ laa wɔ kɛ je nɔ nɛ hii si ngɛ matsɛ sɛ ɔ nɔ ɔ hɛ mi kɛ Tobi ɔ mi mi fumi ɔ nya.

¹⁷ Ejakaa e mi mi fumi ligbi ngua a su, nɛ mɛnɔ ma nyɛ si maa da?”