Kpojemi 15 - Somi He Ɔ

Hiɔwe bɔfo ɔmɛ kɛ nyagbe haomi ɔ

¹ Kɛkɛ nɛ i na okadi kpa ko ngɛ hiɔwe; e kle nɛ e ngɛ nyakpɛ: hiɔwe bɔfohi kpaago nɛ a hɛɛ haomi kpaago nɛ ji nyagbe ni ɔmɛ, ejakaa kɔlɔ ɔmɛ a kɛ maa gbe Mawu mi mi fumi ɔ nya.

² Kɛkɛ nɛ i na nɔ́ ko nɛ ngɛ kaa wo nɛ ngɛ kaa ahuhuɛ nɛ a kɛ la futu mi, nɛ ninɛmɛ nɛ ye lohwe ɔ kɛ e maga a kɛ e kadi ɔ kɛ e biɛ ɔ yibɔ ɔ nɔ kunimi ɔ daa si ngɛ wo nɛ ngɛ kaa ahuhuɛ ɔ nya, nɛ a hɛɛ Mawu saku ɔmɛ.

³ Nɛ a la Mawu tsɔlɔ Mose la a kɛ Tobi ɔ la a ke: “Nyɔmtsɛ Mawu Ope, O ni tsumi ɔmɛ kle, nɛ a ngɛ nyakpɛ! Mo je ma amɛ a nɔ matsɛ, O blɔ ɔmɛ da, nɛ anɔkuale ji mɛ.

⁴ Mɛnɔ po lɛ be mo gbeye yee Nyɔmtsɛ, Nɛ e be o biɛ ɔ hɛ mi nyami woe? Ejakaa mo o nɔ kake too ji nɔ klɔuklɔu. Nɛ je ma amɛ kulaa maa ba nɛ a ba ja ngɛ o hɛ mi, Ejakaa a je o dami ni ɔmɛ a si paa.”

⁵ Ni nɛ ɔmɛ a se ɔ i hyɛ, nɛ oʼɛ, a bli odase bo tsu sɔlemi tsu ɔ nya ngɛ hiɔwe,

⁶ nɛ hiɔwe bɔfohi kpaago ɔ nɛ hɛɛ haomi kpaago ɔ je kpo kɛ je sɔlemi tsu ɔ mi, nɛ a wo kploba nɛ he tsɔ nɛ ngɛ kpɛe, nɛ a fi a gugue kɛ sika kpɛti fimi nihi.

⁷ Nɛ hɛ kali eywiɛ ɔmɛ a ti nɔ kake ngɔ sika tsinesa kpaago nɛ a hyi tɔtɔɔtɔ kɛ Mawu nɛ hɛ ngɛ kɛ yaa neneene kɛ neneene ɔ mi mi la a ngɔ ha hiɔwe bɔfohi kpaago ɔ.

⁸ Nɛ sɔlemi tsu ɔ mi hyi tɔ kɛ lasuku nɛ je Mawu hɛ mi nyami ɔ kɛ e he wami ɔ mi ɔ, nɛ nɔ ko nyɛ we sɔlemi tsu ɔ mi nɛ e sɛ kɛ maa su be nɛ a maa gbe hiɔwe bɔfohi kpaago ɔmɛ a haomi kpaago ɔmɛ a nya.