Galatabi 3 - Somi He Ɔ

Mlaa loo hemi kɛ yemi

¹ Oo, Galatabi nɛ be yi mi! Mɛnɔ gbiɛ nyɛ ke nyɛ ko bu anɔkuale ɔ tue — nihi a hɛ mi nɛ a tɛni Yesu Kristo ngɛ kaa nɔ nɛ a sɛu.

² Nyɛ ha ma bi nyɛ nɔ́ kake: Mlaa ni tsumihi a mi nyɛ na Mumi ɔ kɛ je, aloo hemi kɛ yemi tue bumi mi?

³ Anɛ kikɛ nyɛ be yi mi lo? Nɛ nyɛɛ kɛ Mumi je sisi ɔ, jehanɛ he lo nyɛɛ kɛ maa gbe nya lo?

⁴ Nɔ babauu nɛ nyɛ na nɛ ɔ, yaka gu nyɛ na lo? Ke yaka gu hu po ʼi ɔ,

⁵ blɔɔ Mawu nɛ kɛ Mumi ɔ kee nyɛ nɛ e tsuɔ he wami nihi ngɛ nyɛ mi ɔ, mlaa ni tsumihi a mi e tsuɔ ngɛ aloo hemi kɛ yemi tue bumi mi?

⁶ A ngma ke: “Abraham he Mawu ye, nɛ a bu enɛ ɔ dami ngɔ ha lɛ.”

⁷ Lɔ ɔ he ɔ, nyɛ na nyɛɛ le kaa nihi nɛ je hemi kɛ yemi ɔ mi ɔ, mɛ nɔuu ji Abraham bimɛ.

⁸ Se akɛnɛ ngmami ɔ na momo kaa hemi kɛ yemi mi Mawu maa wo majeli ɔmɛ nguɔ ngɛ he je ɔ, e jaje sane kpakpa a ngɔ tsɔɔ Abraham ngɔ to kaa: “O mi a maa gbaa majemaje li ɔmɛ kulaa ngɛ.”

⁹ Lɛɛ ninɛmɛ nɛ je hemi kɛ yemi mi ɔ, a gbaa mɛ kɛ Abraham nɛ he ye ɔ.

¹⁰ Ejakaa nihi abɔ nɛ je mlaa ni tsumihi a mi ɔ, gbiɛmi ngɛ a nɔ; ejakaa a ngma ke: “A gbiɛ nɔ tsuaa nɔ nɛ hi si ngɛ nihi tsuo nɛ a ngma ngɛ Mlaa Womi ɔ mi ɔ nɛ e ye nɔ ɔ.”

¹¹ Jehanɛ e ngɛ paa kaa mlaa a mi ɔ, a be nɔ ko nɔ ko nguɔ woe ngɛ Mawu hɛ mi, ejakaa dalɔ ɔ, hemi kɛ yemi mi e yi ma na wami ngɛ.

¹² Se mlaa a, pi hemi kɛ yemi mi nɛ e je, se mohu nɔ nɛ yeɔ nɔ ɔ yi ma na wami ngɛ mi.

¹³ Kristo kpɔ wɔ kɛ je mlaa a gbiɛmi ɔ mi, akɛnɛ e plɛ gbiɛmi ngɔ ha wɔ ɔ, ejakaa a ngma ke: “A gbiɛ nɔ tsuaa nɔ nɛ kplaa si ngɛ tso nɔ” ɔ;

¹⁴ konɛ Abraham gbaami ɔ nɛ ba maje li ɔmɛ a nɔ ngɛ Kristo Yesu mi, nɛ waa kɛ hemi kɛ yemi ɔ nɛ na Mumi ɔ si womi ɔ.

Mlaa a kɛ si womi ɔ

¹⁵ Mamimɛ, nyɛ ha ma ngɔ nimli a si himi mi nɔ ko kɛ tsɔɔ nyɛ nya. Nɔmlɔ si womi tete ɔ, ke a ma nɔ mi ɔ, nɔ ko kua we, nɛ jehanɛ hu nɔ ko piɛ we he nɔ ko.

¹⁶ Jehanɛ Abraham ɔ, a tu si womi munyu ɔmɛ ngɔ ha lɛ kɛ e nina a. E de we ke: “Kɛ e nina amɛ,” kaa nɔ nɛ nihi fuu a nɔ ʼi, se mohu kaa nɔ kake nɔ, ke: “Kɛ o nina a,” nɔ nɛ ji Kristo ɔ.

¹⁷ Se nɔ́ nɛ i ngɛ tsɔɔe nɛ ɔ ji: Mlaa nɛ a wo jeha lafa eywiɛ kɛ nyingmi etɛ se ɔ, e gui somi nɛ Mawu dla ngɔ to Kristo ɔ nɛ e ha si womi ɔ nɛ pee yaka.

¹⁸ Se ke gbo si ni ɔ je mlaa a mi ɔ, lɔ ɔ lɛɛ tsa pi si womi ɔ mi nɛ e je mɔ; se Mawu kɛ ke Abraham kɛ gu si womi nɔ.

¹⁹ Jehanɛ mɛni ji mlaa a mɔ? Nɔ tɔmihi a he nɛ a kɛ piɛ he, kɛ maa su be nɛ Abraham nina nɛ a wo si ngɔ ha a maa ba; Hiɔwe bɔfohi a nɔ a gu kɛ wo si kɛ gu mi dalɔ nɔ.

²⁰ Se mi dalɔ he hia we ha nɔ kake, nɛ Mawu ɔ nɔ kake ʼi.

Nɔ́ nɛ mlaa tsuɔ

²¹ Anɛ mlaa a kuɔ Mawu si womi ɔmɛ a nya lo? Dɛbi! Ejakaa e ji a wo mlaa ko nɛ ma nyɛ wami ma ha jinɛ e ngɛ mi niinɛ kaa mlaa mi dami ɔ je.

²² Se mohu ngmami ɔ ngɔ je ɔ kulaa ngɔ wo yayami sisi, konɛ a gu Yesu Kristo nɔ hemi kɛ yemi nɔ nɛ a kɛ si womi ɔ nɛ ha nihi nɛ he yeɔ ɔ.

²³ Se loko hemi kɛ yemi ɔ ba a, a kɛ wɔ wo mlaa sisi, nɛ a nga wa yi ngɔ to hemi kɛ yemi nɛ a ma je kpo ɔ.

²⁴ Lɔ ɔ he ɔ mlaa a plɛ wa tsɔselɔ kɛ yaa Kristo ngɔ, konɛ a wo wɔ nguɔ ngɛ hemi kɛ yemi mi.

²⁵ Se nɛ hemi kɛ yemi ɔ ba nɛ ɔ, wa be tsɔselɔ ɔ sisi hu.

²⁶ Ejakaa nyɛ tsuo ɔ Mawu bimɛ ji nyɛ ngɛ Kristo Yesu mi kɛ gu hemi kɛ yemi ɔ nɔ;

²⁷ ejakaa nyɛ nihi abɔ nɛ a baptisi nyɛ ngɔ wo Kristo mi ɔ, nyɛ wo Kristo.

²⁸ Yudano be ɔ, Helano hu bé hu; nyɔguɛ bé ɔ, odehe hu bé hu; nyumu be ɔ, yo hu be hu; ejakaa nyɛ tuso ɔ, nɔ kake ji nyɛ ngɛ Kristo Yesu mi.

²⁹ Se ke Kristo nihi ji nyɛ ɔ, lɛɛ Abraham nina ji nyɛ, kɛ gbo si ni yeli hulɔ ngɛ si womi ɔ nya.