Efesobi 3 - Somi He Ɔ

Paulo nitsumi ha majeli

¹ Lɔ ɔ he ɔ, imi Paulo, nɛ ji Kristo Yesu pa mi no ha nyɛ maje li a bimɛ ɔmɛ ɔ,

² eko ɔ nyɛ maa nu Mawu dloomi nɛ a ngɔ ha mi ngɛ nyɛ he ɔ blɔ nya tomi ɔ he,

³ kaa kpo jemi nɔ Mawu gu kɛ ha i kɛ le laami sane ɔ, kaa bɔ nɛ i ngma nyɛ bɔɔ ko momo ɔ,

⁴ nɔ́ nɛ ke nyɛ kane ɔ, nyɛ ma nyɛ nyɛ kɛ na bɔ nɛ i nu Kristo laami sane ɔ sisi ha.

⁵ Laami sane nɛ ɔ, yinɔhi nɛ be ɔmɛ a mi ɔ, a ha we nimli a bimɛ nɛ a le, kaa bɔ nɛ jehanɛ ɔ a je kpo ngɔ tsɔɔ e bɔfohi kɛ gbali klɔuklɔu ɔmɛ ngɛ Mumi mi,

⁶ kaa maje li a bimɛ ɔmɛ hu ji ni yeli ɔmɛ ekomɛ, kɛ nɔmlɔ tso ɔ he ni ɔmɛ ekomɛ, kɛ nihi nɛ a wo mɛ si ngɛ Kristo Yesu mi ɔ hu ekomɛ ngɛ sane kpakpa a he.

⁷ Sane kpakpa nɛ ɔ he sɔmɔlɔ ji mi ngɛ Mawu dloomi nike nihi nɛ a gu e he wami ni tsumi nɔ ngɔ ha mi ɔ nya.

⁸ Imi nɛ i ji nɔ wayo pe he tsɔli ɔmɛ kulaa a, a ngɔ kikɛmɛ a dloomi nɛ ɔ ngɔ ha mi, kaa ma jaje Kristo nihiɛmi nɛ a be sisi nyɛe maa na kɛ gbe nya a he sane kpakpa a ngɔ tsɔɔ maje li ɔmɛ,

⁹ nɛ ma ha nihi kulaa a hɛ mi nɛ tsɔ mɛ nɛ a le nɔ́ nɛ ji laami sane nɛ a ngɔ laa ngɛ Mawu nɔ nɛ bɔ nihi kulaa a blɔ nya tomi ɔ mi,

¹⁰ konɛ jehanɛ a gu asafo ɔ nɔ nɛ a ha nikɔtɔmahi kɛ nihi nɛ ngɛ he blɔ ngɛ hiɔwe nihi a mi ɔ nɛ a le Mawu ni lemi nɛ hiɛ babauu ɔ,

¹¹ ngɛ neneene yi mi nɛ e to ngɛ Kristo Yesu, wa Nyɔmtsɛ ɔ, mi ɔ nya,

¹² nɔ nɛ nɔ hemi kɛ yemi mi wa gu kɛ na kã kɛ he blɔ ngɛ hɛ kɛ nɔ fɔmi mi ɔ.

¹³ Lɔ ɔ he ɔ, i ngɛ pɛɛ kpae, konɛ nyɛ tsui ko po ngɛ ye nɔ́ nɛ i ngɛ nae ngɛ nyɛ he ɔ he, ejakaa nyɛ hɛ mi nyami ʼi.

Kristo suɔmi

¹⁴ Enɛ ɔ he je ɔ, i kplaa si haa Tsɛ ɔ,

¹⁵ nɔ mi nɛ nɔ tsuaa nɔ nɛ ngɛ hiɔwe kɛ zugba a nɔ ɔ naa e biɛ nitsɛ ɔ,

¹⁶ konɛ ngɛ e hɛ mi nyɛmi hiɛmi ɔ nya a, e ha nyɛɛ gu e Mumi ɔ nɔ nɛ nyɛ he nɛ wa kpitikplii ngɛ nyɛ mi nɔmlɔ ɔ blɔfami,

¹⁷ nɛ a gu hemi kɛ yemi nɔ nɛ Kristo nɛ hi si ngɛ nyɛ tsui mi nɛ nyɛ sipoku nɛ pi si nɛ nyɛɛ ma si gbugbuugbu ngɛ suɔmi mi,

¹⁸ konɛ nyɛ na he wami, nɛ nyɛɛ kɛ ni klɔuklɔu ɔmɛ kulaa nɛ yɔse nɔ́ nɛ ji blimi kɛ kami kɛ mi kuɔmi kɛ hiɔwe yami ɔ,

¹⁹ nɛ nyɛɛ le Kristo suɔmi nɛ pa ni lemi tsuo ɔ, konɛ Mawu himi kɛ si pimi ɔ nɛ hyi nyɛ tsuo tɔtɔɔtɔ.

²⁰ Se nɔ nɛ nyɛɔ peɔ kɛ bee nɔ babauu pe nihi kulaa nɛ wa kpaa he pɛɛ loo wa susuu, ngɛ e he wami nɛ tsuɔ ni ngɛ wa mi ɔ nya a,

²¹ lɛ a ngɔ hɛ mi nyami ngɔ ha ngɛ asafo nɛ ngɛ Kristo Yesu mi ngɛ yi nɔhi kulaa mi kɛ ya neneene kɛ neneene! Amen.