3 Yohane 1 - Somi He Ɔ1 Nɔkɔtɔma a ngma ya ha Gaio nɛ a suɔ ɔ, nɔ nɛ imi hu i suɔ ngɛ anɔkuale mi ɔ. 2 Mami nɛ i suɔ, i kpa mo pɛɛ kaa o ya nɔ ngɛ nihi kulaa mi nɛ o he nɛ wa mo kaa bɔ nɛ i le nɛ o klaa hu ngɛ ɔ. 3 Ejakaa i na bua jɔmi babauu benɛ nyɛmimɛ komɛ ba nɛ a ba ye o nɔkuale ɔ he odase, bɔ nɛ o nyɛɛ ngɛ anɔkuale ɔ mi ɔ. 4 Nɔ ko pee we mi bua jɔmi pe enɛ kaa ma nu kaa ye bimɛ ɔmɛ nyɛɛ ngɛ anɔkuale ɔ mi. A je Gaio yi 5 Mami nɛ i suɔ, nɔ nɛ o tsuɔ kɛ haa nyɛmimɛ nɛ ji nibwɔ ɔmɛ ɔ, anɔkuale mi o peɔ ngɛ. 6 A ba ye o suɔmi ɔ he odase ngɛ asafo ɔ hɛ mi. O maa pee saminya ke ɔ wo mɛ blɔ bɔ nɛ sa Mawu hɛ mi ɔ. 7 Ejakaa Kristo biɛ ɔ he ɔ, a je kpo kɛ ho, nɛ da he we nɔ ko ngɛ maje li ɔmɛ a dɛ. 8 Lɔ ɔ he ɔ, e sa kaa wɔ Kristofo ɔmɛ wa he kikɛmɛ a nimli nɛ ɔmɛ atuu, konɛ waa kɛ mɛ nɛ dla anɔkuale ɔ he ni tsumi ɔ. Diotrefe kɛ Demetrio 9 I ngma womi kpiti ko ngɔ mane asafo ɔ, se Diotrefe nɔ nɛ hlaa nɔkɔtɔma yemi ɔ bui nɔ nɛ i ngɛ dee ɔ. 10 Lɔ ɔ he ɔ ke i ba hu, ma wo e ni tsumi ɔmɛ a he sane nɔ, bɔ nɛ e tuɔ wa he munyu yaya, nɛ enɛ ɔmɛ tete pi ha lɛ. Lɛ nitsɛ ɔ, e he we nyɛmimɛ ɔmɛ, nɛ jehanɛ hu nihi nɛ suɔ kaa a pee ja a, e tsiɔ mɛ blɔ, nɛ e fieɔ mɛ kɛ jee asafo ɔ mi. 11 Mami nɛ i suɔ, koo kase nɔ yaya, se moo kase nɔ kpakpa mohu. Nɔ nɛ peɔ nɔ kpakpa a, e je Mawu mi; nɔ nɛ peɔ nɔ yaya a, e nɛ Mawu. 12 Demetrio ɔ lɛɛ, nihi tsuo kɛ anɔkuale ɔ nitsɛ tuɔ e he munyu kpakpa, nɛ wɔ hu wa ngɛ e he odase yee, nɛ nyɛ le kaa wa odase ɔ anɔkuale ʼi. Nyagbe sɛyemi 13 I ngɛ nihi fuu nɛ ma ngma, se i sume kaa i kɛ ningma nyu kɛ ningma tso ngmaa. 14 Ye hɛ ngɛ nɔ kaa e piɛ bɔɔ kɛkɛ nɛ ma na mo, nɛ wa maa tu munyu hɛ mi kɛ hɛ mi. 15 He manye! O huɛmɛ ɔmɛ tsuo ke a biɔ mo. Nga wa huɛmɛ ɔmɛ tsuo kakaaka ha wɔ. |
Dangme New Testament © United Bible Societies, 1977.
United Bible Societies