2 Yohane 1 - Somi He Ɔ

¹ Nɔkɔtɔma a ngma ya ha Awula nɛ a hia lɛ kɛ e bimɛ ɔmɛ, nihi nɛ i suɔ ngɛ anɔkuale mi, nɛ pi ye nɔ kake kɛkɛ, se nihi kulaa nɛ a le anɔkuale ɔ,

² ngɛ anɔkuale nɛ hii wa mi nɛ e kɛ wɔ maa hi si kɛ maa ya neneene ɔ he.

³ Dloomi, mɔbɔ nami kɛ he jɔmi nɛ je tsɛ Mawu ɔ, nɛ jehanɛ e je Mawetsɛ Yesu Kristo, Tsɛ ɔ Bi ɔ, dɛ mi ɔ kɛ nyɛ nɛ hi si ngɛ anɔkuale kɛ suɔmi mi.

Anɔkuale kɛ suɔmi

⁴ I na bua jɔmi babauu kaa i na o bimɛ ɔmɛ a ti ni komɛ kaa a nyɛɛ anɔkuale ɔ mi, kaa bɔ nɛ Tsɛ ɔ wo wɔ kita a.

⁵ Lɔ ɔ he ɔ i ngɛ mo pɛɛ kpae, Awula, pi kita he ko nɛ i ngɛ mo ngmae, se mohu nɔ nɛ wa ngɛ kɛ je sisije ɔ: kaa waa suɔ wa he.

⁶ Enɛ ɔ ji suɔmi ɔ nɛ, kaa waa nyɛɛ ngɛ e kita amɛ a nya. Enɛ ɔ ji kita a nɛ, kaa bɔ nɛ nyɛ nu kɛ je sisije ɔ, nɛ nyɛɛ hi si ngɛ suɔmi mi.

⁷ Ejakaa sisili tuu ba je ɔ mi, nihi nɛ jaje we kaa Yesu Kristo ba ngɛ he lo mi; nɔ nɛ ɔmɛ ji sisilɔ kɛ lakpa kristo ɔ nɛ.

⁸ Nyɛɛ hyɛ nyɛ he saminya, konɛ nyɛ ko laa nihi nɛ wa tsu ɔ, se mohu nyɛ na hiɔwo nɛ sa.

⁹ Nɔ tsuaa nɔ nɛ jee nɛ e hi si ngɛ Kristo tsɔɔmi ɔ mi ɔ, e be Mawu. Nɔ nɛ hii Kristo tsɔɔmi ɔ mi ɔ, lɛ lɛ ngɛ Tsɛ ɔ kɛ Bi ɔ.

¹⁰ Ke nɔ ko ba nyɛ ngɔ nɛ e hɛɛ we kikɛmɛ a tsɔɔmi nɛ ɔ, nyɛ ko he lɛ kɛ ba nyɛ we mi, nɛ nyɛ ko fɔ lɛ tete;

¹¹ ejakaa nɔ nɛ fɔɔ lɛ ɔ, e kɛ lɛ pe ɔ kake ngɛ e ni tsumi yaya amɛ ami.

Nyagbe sɛyemi

¹² I ngɛ nihi fuu nɛ ma ngma nyɛ mohu, se i sume kaa i kɛ womi kɛ ningma nyu ngmaa, se mohu ye he ngɛ nɔ kaa ma ba nyɛ ngɔ nɛ i kɛ nyɛ ba tu munyu hɛ mi kɛ hɛ mi, konɛ wa bua jɔmi ɔ nɛ hyi.

¹³ O nyɛmi yo nɛ a hia a bimɛ ɔmɛ ke a biɔ mo.