2 Timoteo 2 - Somi He Ɔ

Kristo Yesu ta bulɔ anɔkualetsɛ

¹ Jehanɛ moo lɛɛ, ye bi, o he nɛ wa ngɛ dloomi nɛ ngɛ Kristo Yesu mi ɔ mi.

² Nihi nɛ o nu ngɛ ye nya ngɛ odasefohi fuu a nya a, kɔlɔ ɔ nɔuu o tu ngɔ wo nimli anɔkualetsɛmɛ a dɛ, nihi nɛ ngɛ he wami nɛ a ma kɛ tsɔɔ ni kpahi hulɔ.

³ Mia o hɛ mi ngɛ nɔ nami mi, kaa Yesu Kristo ta bulɔ kpakpa ko.

⁴ Nɔ ko nyɛɛ we ta blɔ nɛ e kɛ e he wo we mi munyuhi a mi, ejakaa e suɔ kaa e sa e tatsɛ ɔ hɛ mi.

⁵ Nɛ ke nɔ ko ngɛ nɔ́ ko ngɛ nɔ ko he plee hu ɔ, a be lɛ manye jlasi fie, kaa ja e plee he ngɛ mlaa nya.

⁶ Ngmɔ hulɔ nɛ tsuɔ ni ɔ, lɛ kekle sa kaa e ye ngmɔ ni ɔ eko. Susuu nɔ nɛ i ngɛ mo dee nɛ ɔ he.

⁷ Nyɔmtsɛ ɔ ma ha o na nihi kulaa sisi.

⁸ O hɛ nɛ hi Yesu Kristo nɔ nɛ te si kɛ je gbeje nɛ je David nina mi ɔ nɔ, bɔ nɛ i fiɛ ngɛ ye sane kpakpa a mi ɔ,

⁹ nɔ́ nɛ he amane nɛ i ngɛ nae, kɛ yaa su kpa mi tete, kaa yayami peelɔ ko; se kɛ ɔ, Mawu munyu ɔ, a wui lɛ kpa

¹⁰ Enɛ ɔ he je ɔ i miaa ye hɛ mi ngɛ sanehi kulaa mi ngɛ nihi nɛ ahla mɛ ɔ a he, konɛ mɛ hu a nine nɛ su yi wami hemi nɛ ngɛ Kristo Yesu mi ɔ kɛ neneene hɛ mi nyami ɔ nɔ.

¹¹ Anɔkuale munyu ji nɛ ɔ nɛ: “Ke waa kɛ lɛ gbo ɔ, waa kɛ lɛ ma na wami hulɔ.

¹² Ke wa mia wa hɛ mi ngɛ nɔ nami mi ɔ, waa kɛ lɛ maa ye matsɛ hulɔ; Ke wa kpa ngɛ e se ɔ, lɛ hu e ma kpa ngɛ wa se.

¹³ Ke wa pee we wa he anɔkualetsɛmɛ ɔ, lɛɛ e maa hi si anɔkualetsɛ, ejakaa e be nyɛe ma je lɛ nitsɛ e he se.”

Nitsulɔ kpakpa

¹⁴ Kaii mɛ kikɛmɛ a ni nɛ ɔmɛ, nɛ o ma nɔ mi ha mɛ ngɛ Nyɔmtsɛ ɔ hɛ mi, ykonɛ a ko hwu lilɛ ta nɛ se nami ko be he, se e butuu nihi nɛ nuɔ ɔ mohu ɔ.

¹⁵ Bɔɔ mɔde nɛ o da si ngɛ Mawu hɛ mi kaa znɔ ko nɛ sa, ni tsulɔ nɛ gbo we zo nɛ tsɔɔ anɔkuale munyu ɔ pɛpɛɛpɛ.

¹⁶ Se yakayaka ni sɛɛmi nɛ bleɔ nɔ ɔ, sã o he kɛ je he; ejakaa e fieɔ nihi kɛ jee Mawu he kɛ yaa lokoo,

¹⁷ nɛ a munyu ɔ ma sã nɔ kaa hiɔ yaya sãa nɔ ɔ: a ti ni komɛ ji Himeneo kɛ Fileto,

¹⁸ nihi nɛ tla blɔ kɛ je anɔkuale ɔ he, nɛ a deɔ ke si temi ɔ be momo, nɛ a butuu ni komɛ a hemi kɛ yemi ɔ.

¹⁹ Se Mawu sisi tomi tɛ na he wa a maa si kpɛii, nɛ e hɛɛ kikɛmɛ a nyasɔomi nɔ nɛ ɔ: “Nyɔmtsɛ ɔ le lɛ nitsɛ e ni ɔmɛ,” kɛ: “Ha nɛ nɔ tsuaa nɔ nɛ woɔ Kristo biɛ ɔ ta a nɛ sã e he kɛ je nihi nɛ dɛ blɔ ɔmɛ a he.”

²⁰ We ngua ko mi ɔ pi sika tsu nihi kɛ sika hiɔ nihi kɛkɛ nɛ ngɛ lejɛ ɔ, se mohu tso nihi kɛ zu nihi hu ngɛ mi, ekomɛ ɔ a buo, se ekomɛ hu a bui.

²¹ Jehanɛ ke nɔ ko tsukɔ e he kɛ je kikɛmɛ a ni nɛ ɔmɛ a he ɔ, e ma plɛ nɔ́ ko nɛ a buu nɛ a tsukɔ he klɔuu nɛ hi ha wetsɛ ɔ saminya nɛ a dla lɛ kɛ ha ni tsumi kpakpa tsuaa ni tsumi kpakpa.

²² Se nihewi a kɔnɔ ɔmɛ ɔ, tuu nya fo, nɛ o kɛ nihi nɛ tsɛɔ Nyɔmtsɛ ɔ kɛ jee tsui nɛ mi tsɔ mi ɔ nɛ nyɛɛ dami, hemi kɛ yemi, suɔmi kɛ he jɔmi se.

²³ Se kuasiahi a nɔ jemi nɛ a kɛ kase we nɔ ko ɔ guu, ejakaa o le kaa e kɛ pɛ baa.

²⁴ Nyɔmtsɛ ɔ sɔmɔlɔ ɔ, e sɛ kaa e pɛɛ, se mohu e mi nɛ jɔ ha nihi kulaa, nɔ nɛ le ni tsɔɔmi, nɔ nɛ toɔ e tsui si haa yayami,

²⁵ nɔ nɛ kɛ mi mi jɔmi tuɔ munyu tsɔɔ nihi nɛ tee si siɔ lɛ ɔ, kaa alinɔ Mawu ma ha mɛ tsui tsakemi nɛ a le anɔkuale ɔ lo?

²⁶ nɛ a hɛ mi nɛ tsɔ mɛ kɛ je abosiami klama a mi, ejakaa e kɛ du mɛ nɛ a pee e suɔmi nya ni.