1 Yohane 1 - Somi He Ɔ

Wami Munyu ɔ

¹ Wa ngma nyɛ Wami Munyu ɔ nɛ ngɛ kɛ je sisije ɔ; nɔ́ nɛ wa nu nɛ wa na kɛ wa hɛngmɛ; nɔ́ nɛ wa hyɛ nɛ wa nine ta he.

² Nɛ wami ɔ je e he kpo ngɔ tsɔɔ: nɛ wa na, nɛ wa yeɔ he odase, nɛ wa jajeɔ neneene wami ɔ, nɔ nɛ kɛ Tsɛ ɔ ngɛ nɛ e je e he kpo tsɔɔ wɔ ɔ he sane ɔ ngɔ tsɔɔ nyɛ.

³ Nɔ́ nɛ wa na nɛ wa nu ɔ, lɔ ɔ wa jajeɔ ngɔ tsɔɔ nyɛ, konɛ nyɛ hu nyɛɛ kɛ wɔ nɛ bɔ huɛ. Se oʼɛ, wa huɛ bɔmi ɔ, Tsɛ ɔ ke e Bi Yesu Kristo ɔ waa kɛ bɔɔ.

⁴ Wa ngɛ nyɛ ni nɛ ɔmɛ ngmae konɛ nyɛ bua jɔmi ɔ nɛ hi kɛ pi si.

Mawu ji la

⁵ Enɛ ɔ ji bɔfo sane nɛ wa nu kɛ je e ngɔ nɛ wa kpale ngɛ jajee kɛ ngɛ nyɛ tsɔɔe ɔ nɛ, kaa Mawu ɔ la ji lɛ, nɛ diblii ko be e mi kulaa.

⁶ Ke wa de ke waa kɛ lɛ ngɛ huɛ bɔe, se wa nyɛɛ diblii ɔ mi ɔ, wa ngɛ lakpa yee nɛ wa tu we anɔkuale.

⁷ Se ke wa nyɛɛ ngɛ la a mi, kaa bɔ nɛ lɛ nitsɛ e ngɛ la a mi ɔ, lɔ ɔ lɛɛ waa kɛ wa he ngɛ huɛ bɔe, nɛ e Bi Yesu Kristo muɔ ɔ tsukɔɔ wa he kɛ jee yayami tsuaa yayami mi.

⁸ Ke wa de ke yayami ko be wa he ɔ, wɔ nitsɛmɛ wa he wa ngɛ sisie, nɛ anɔkuale ɔ be wa mi.

⁹ Ke wa jaje wa he yayami ɔmɛ ɔ, anɔkualetsɛ kɛ dalɔ ji Mawu, e kɛ wa he yayami ɔmɛ maa pa wɔ, nɛ e maa tsukɔ wa he kɛ maa je nihi, nɛ dɛ blɔ kulaa mi.

¹⁰ Ke wa ke wa pee we yayami ɔ, lɛɛ wa ngɛ Mawu lakpatsɛ bue, nɛ e munyu ɔ be wa mi.