1 Korintobi 8 - Somi He Ɔ

Wɔhi a nya bɔsami niyeni

¹ Jehanɛ ngɛ wɔhi a nya bɔ sami niyeni ɔmɛ a he ɔ, wa le kaa “wɔ kulaa wa le ni.” Ni lemi haa nɔ woɔ e he nɔ, se suɔmi haa nɔ nane nuu si.

² Ke nɔ ko susu kaa e le nɔ́ ko ɔ, e li nɔ́ ko bɔ nɛ sa kaa e le.

³ Se ke nɔ ko suɔ Mawu ɔ, lɛ Mawu le.

⁴ Jehanɛ ngɛ wɔhi a nya bɔ sami niyeni a yemi he ɔ, wa le kaa wɔ ko wɔ ko pi nɔ́ ko ngɛ je nɛ ɔ mi, nɛ jehanɛ mawu ko mawu ko be ja Mawu kake kɛkɛ.

⁵ Ejakaa ke ni komɛ ngɛ nɛ a tsɛɛ mɛ “mawuhi” ɔ, hiɔwe a ngɛ jio, zugba a nɔ a ngɛ jio, kaa bɔ nɛ “mawuhi” pɔ he nɛ “nyɔmtsɛmɛ” hu pɔ he ɔ,

⁶ kɛ̃ ɔ wɔɔ lɛɛ, Mawu kaketoo wa ngɛ, Tsɛ ɔ, nɔ mi nɛ nihi kulaa je nɛ wa ngɛ ha lɛ ɔ, kɛ Nyɔmtsɛ kake hu nɛ ji Yesu Kristo ɔ, nɔ nɔ nɛ nihi kulaa gu kɛ ba nɛ wɔ hu wa gu e nɔ ɔ.

⁷ Se kɛ ɔ pi nihi tsuo a mi nɛ kikɛmɛ a ni lemi nɛ ɔ ngɛ. Ni komɛ ngɛ kɛ ba su mwɔnɛ nɛ a kɛ wɔhi a nɔ hemi kɛ yemi yeɔ wɔhi a nya bɔ sami niyeni, nɛ akɛnɛ a he ni lemi gbɔjɔ he je ɔ, a bleɔ lɛ.

⁸ Ngma kɛ wɔ yɛ Mawu hɛ mi; ke wa yeɔ ɔ, e ha we nɛ waa hi pe nine, nɛ jehanɛ ke wa yi hu, wa laa we nɔ ko.

⁹ Nyɛɛ hyɛ nɛ hi konɛ nyɛ he blɔ nɛ ɔ ko ba plɛ kpangmi ha nihi nɛ gbɔjɔ ɔmɛ.

¹⁰ Ejakaa ke nɔ ko na mo nɛ ji “ni lelɔ” ɔ kaa o hii si ngɛ wɔ piɛ mi ngɛ ni yee ɔ, anɛ pi he wami nɛ o ngɛ nɔ nɛ gbɔjɔ ɔ he ni lemi woe konɛ e ya ye wɔhi a nya bɔ sami niyeni ɔmɛ lo?

¹¹ Lɔ ɔ lɛɛ, o “ni lemi” ɔ ma nyɛ ma ha nyɛmi nɛ gbɔjɔ nɛ Kristo ba gbo ngɛ lɛ hu e he ɔ hɛ mi ma kpata.

¹² Se ke nyɛ peɔ nyɛmimɛ ɔmɛ yayami kikɛ, nɛ nyɛɛ kɛ plaa a he ni lemi nɛ he wɛ ɔ, lɔ ɔ lɛɛ Kristo nyɛ ngɛ yayami ɔ pee kɛ ngɛ sie ɔ nɛ.

¹³ Lɔ ɔ he ɔ, ke ngma ma ha ye nyɛmi nane ma kpata a, lɔɔ lɛɛ i be lo yee gblegbleegblee hu, konɛ ma ko ha ye nyɛmi ɔ nane nɛ kpata.