1 Korintobi 13 - Somi He Ɔ

Suɔmi

¹ Ke i kɛ nimli kɛ hiɔwe bɔfohi a lilɛ tuɔ munyu se be suɔmi ɔ, lɛɛ i ngɛ kaa ayawa nɛ jijeɔ loo ngmlɛ nɛ pɛɛ.

² Nɛ ke i ngɛ gbami, nɛ i naa laami mi nihi kulaa nya, nɛ i le nihi kulaa, nɛ ke i ngɛ hemi kɛ yemi kulaa hulɔ, bɔ nɛ ma nyɛ yokuhi ma hia, se i be suɔmi ɔ, lɛɛ i pi nɔ́ ko?

³ Nɛ ke i ngɔ ye nihi kulaa ngɔ ke nihi, nɛ ke i ngɔ ye nɔmlɔ tso ngɔ ha nɛ a sa mi, se i be suɔmi ɔ, i na we se ko.

⁴ Suɔmi toɔ e tsui si, e mi mi hi; suɔmi ji hunga; suɔmi fiɛ̃, e pee we pupuupu,

⁵ e pee we nihi nɛ sɛ, e plee we lɛ nitsɛ e nɔ he, e mi mi wui la, e kɛ nɔ tɔmi wui e mi.

⁶ E nya we nɔ yayami he, se mohu e nyaa anɔkuale he?

⁷ Suɔmi maa e nya ngɛ nihi kulaa mi, e heɔ nihi kulaa yeɔ, e ngɛ hɛ kɛ nɔ fɔmi, e miaa e hɛ mi ngɛ nihi kulaa mi.

⁸ Suɔmi se pui gblegbleegblee. Se ke gbamihi ʼi ɔ, a se maa po; ke munyuhi slɔɔtohi a tumi ʼi ɔ, a maa jɔɔ; ke ni lemi ʼi ɔ, e se maa po.

⁹ Ejakaa wa ni nɛ wa le ɔ, fã kɛ fã ʼi, nɛ wa gbami hu fa kɛ fa ʼi.

¹⁰ Se ke nɔ́ nɛ hi kɛ pi si ɔ ba a, lɔ ɔ lɛɛ nɔ́ nɛ ji fa kɛ fa a se maa po.

¹¹ Benɛ i ji bimwɔyo ɔ, i tuɔ munyu kaa bimwɔyo, i juɛɛ ni a he kaa bimwɔyo, i susuu kaa bimwɔyo; se benɛ i ba plɛ nyumu nɔkɔtɔma a, i sake bimwɔwi a ni ɔmɛ ngɔ pue se.

¹² Ejakaa mwɔnɛ mwɔnɛ ɔ, ahuhuɛ mi wa guu kɛ hyɛɛ nɔ tsuu, se jamɛ a be ɔ mi ɔ, hɛ mi kɛ hɛ mi. Mwɔnɛ mwɔnɛ ɔ, i le ni fã kɛ fã, sɛ jamɛ a bɛ ɔ ɔ mi ɔ, ma lɛ ni kɛ pi si kaa bɔ nɛ a le mi kɛ pi si ɔ.

¹³ Se jehanɛ hemi kɛ yemi, hɛ kɛ nɔ tɔmi, suɔmi, kikɛmɛ a nihi etɛ nɛ ɔmɛ hii si; se suɔmi ji a kpɛti nɔ nɛ pe kulaa.