II. Korinth 9 - Dakota Wowapi Wakan Kin

¹ Wicaśta owotanna owicakiyapi kte cin on wowapi cicagapi kta wanna iyecece śni.

² Token wacin duzapi kin he sdonwaya, heon Makedonia etanhanpi kin hena en yaonihanyan cajeciyatapi, wanna waniyetu wanjidan hehanyan Akeya wiyeya yanka ce, qa inayaḣnipi kin he wicaśta ota iyowicapaśtaka.

³ Tuka hunkawanjin wicawaye cin hena ekta yewicawaśi, unniyatanpi qon he ecetu kta, qa epe ciqon iyecen wiyeya nankapi kta e heon.

⁴ Okinni Makedonia etanhan upi kin hena om ekta wai, qa wiyeya yaunpi śni ecen wanunniyakapi kinhan, unkiye, niyepi epe śni, autaya wacinyus unniyatanpi qon he on unkiśtecapi kta.

⁵ Heon hunkawanjin kiciyapi kin cewicawakiye kta wacami qon, tokaheya niyepi ekta ipi, qawowaonśida nitawapi ehanna iwahoniyanpi qon he wiyeya ehnaknpi kta, hecen awicakehan wowaonśida kta, qa wateḣindapi kin eciyatanhan kte śni.

⁶ Tuka de; Tuwe waniqadan oju kin he waniqadan mnaye kta; qa tuwe iyakicuya oju kin he iyakicuya mnaye kta ce.

⁷ Otoiyohi iye cante kin ekta ic̣iconze cin eciyatanhan qu kta, woiyokiśice on qa econ śipi kin on etanhan śni; iyuśkinyan wicaqu kin he Wakantanka waśte daka.

⁸ Wakantanka wowaonśida owasin niyepi en niciyuotapi kta okihi; hecen taku owasin ota duhapi kin on wicoḣan wake kin wadupipike kta.

⁹ Wowapi en kagapi qon iyecetu; Taku eḣpeya, waḣpaninica kin taku wicaqu ece kin he toowotanna kin ohinniyan un kta.

¹⁰ Tuwe woju kin ojupi yuhekiya ece kin he aguyapi woyute yayapi kte cin nic̣upi, qa taku oyajupi kin icaḣ niciyapi, qa nitoowotanna waskuyeca kin niciyuotapi nunwe.

¹¹ Qa taku owasin en wijinya yaunpi kta on iyotan oḣannipipi kta, heon unkiye Wakantanka, wopida unkekiciyapi.

¹² Wapamnipi wawokiyapi kin de tona owotanna un kin taku icakijapi kin enakiye kte c̣a, nakun Wakantanka wopida nina eciyapi kta e kaga.

¹³ Messiya tawootanin waśte kin en oyapapi e daotaninpi, qa hena taku ota wicayaqupi, qa owaain taku wicayaqupi kin he on wawokiyapi utapi kin de on etanhan Wakantanka yaonihanpi.

¹⁴ Qa niyepi on wocekiye eniciyapi kin neon nina cantonikpanipi, Wakantanka towaonśida tanka nicipi un kin heon etanhan.

¹⁵ Wakantanka taku yawapica śni unqupi kin he on wopida kiciun nunwe.