Зебур 13 - Мукъаддес Китап

Акъылсызлыкъ ве инсафсызларнынъ ишлери

Баш чалгъыджы ичюн. Давутнынъ зебуры .

¹ Акъылсыз озь юрегинде: «Алла ёкъ», – деди. Адамлар бозулды, игренч ишлер япып башлады. Яхшылыкъ япкъан ич кимсе ёкъ.

² РАББИ инсан огъулларына коклерден бакъты, «Алланы къыдыргъан бир акъыллы адам бармы?» – деди.

³ Амма эписи ёлдан урулып, бозулдылар, бири-бирине ошадылар. Яхшылыкъ япкъан ич кимсе ёкъ, бир адам биле ёкъ!

⁴ Яманлыкъ япкъанларнынъ акъылы етмезми? Олар халкъымны, бир отьмек киби, ашайлар, РАББИни исе ич чагъырмайлар.

⁵ Оларны буюк къоркъу басаджакъ, чюнки Алла тек инсафлыларнынъ арасындадыр.

⁶ Фукъарелер РАББИге умют багъласалар да, сиз оларнынъ ниетини мыскъыллайсыз.

⁷ Ким Сиондан Исраильге къуртарувны береджек? РАББИ Озь халкъыны эсирликтен къайтаргъанда, Якъупнынъ сою къуванаджакъ, Исраиль севинеджек.