Зебур 125 - Мукъаддес Китап

Къуртулыш дувасы

Зиярет йыры.

¹ РАББИ Сион эсирлерини сюргюнликтен къайтаргъанда, биз тюш корьген киби эдик.

² О вакъыт агъызларымыз кулькю иле толып-таша, тиллеримиз исе къуванчнен къычыра эди. О заман халкълар: «РАББИ олар ичюн буюк ишлер япты», – деди.

³ РАББИ бизлер ичюн буюк ишлер япты, биз севинчке толдыкъ!

⁴ Я РАББИ, Негев акъымларыны киби эсаретте олгъанларымызны къайтар!

⁵ Козь яшларыны тёкип сачкъан адамлар къуванчнен къычырып берекет джыяр.

⁶ Агълай-агълай урлукъ торбасыны алып кеткен сою, къуванчнен къычырып, ашлыкъ культелерини алып келир.