Зебур 124 - Мукъаддес Китап

Алланынъ халкъы хавфсызлыкъта

Зиярет йыры.

¹ РАББИге ишангъан адам Сион дагъына ошай; о, къыбырдамаз, эбедий турар.

² Ерусалимнинъ этрафыны дагълар сара, РАББИ де Озь халкъынынъ этрафыны шимдиден башлап эбедиен сарар.

³ Ярамаз падиша инсафлыларнынъ топракъ мирасы устюнде идаре этмез, ёкъса инсафлылар ярамайлыкъкъа къол урар.

⁴ Яхшы ве догъру юрекли адамларгъа яхшылыкъ эт, я РАББИ!

⁵ Амма къыйыш ёлларына айлангъан адамларны исе РАББИ акъсызлыкъ япкъанларнен берабер алып кетир. Исраильге селямет олсун!