Зебур 119 - Мукъаддес Китап

Яланджылардан къуртаргъан дува

Зиярет йыры.

¹ Къайгъымда мен РАББИден имдат истедим, ве О манъа джевап берди.

² «Яланджы дудакълардан ве алдаткъан тильден джанымны къуртар, я РАББИ!»

³ Алдаткъан тиль, Алла санъа нени берер? О, даа нелер къошар санъа?

⁴ Батырнынъ сюйрю окъларыны ве ротем чалысындан алевли къорларны!

⁵ Алыма беля, чюнки мен Мешек топрагъында яшадым, Кедар чадырлары арасында отурдым.

⁶ Джаным тынчлыкътан нефретленгенлернен къарардан зияде яшады!

⁷ Мен тынчлыкъ тарафдары олам, амма сёз алгъанымда, олар дженкке атылып тура!