Зебур 115 - Мукъаддес Китап

Раббининъ эйилиги ичюн берильген адакъ

¹ Мен инандым, шунынъ ичюн лаф этмеге башладым: «Чокъ азап чектим».

² «Бутюн инсанлар яланджы», – ашыкъып дедим мен.

³ Манъа япкъан бутюн яхшылыкълары ичюн, РАББИни насыл такъдирлерим?

⁴ Мен къуртулыш къадесини котерип, РАББИнинъ Адыны чагъырырым.

⁵ Бутюн Онынъ халкъы огюнде РАББИге берген адакъларымны беджеририм.

⁶ Озь азизлерининъ олюми РАББИнинъ козюнде къыйметли.

⁷ Я РАББИ, мен керчектен Сенинъ къулунъ олам, Сенинъ къулунъ мен, хызметчинънинъ огълу олам, Сен чездинъ багълавларымны.

⁸ Санъа шукюр къурбаныны кетиририм, Сенинъ Адынъны чагъырырым, эй, РАББИ!

⁹ Бутюн Онынъ халкъы огюнде РАББИге берген адакъларымны беджеририм,

¹⁰ РАББИнинъ Сарайы азбарларында, сенинъ меркезинъде, Ерусалим, беджеририм! Эльхамдюлилля!