Зебур 112 - Мукъаддес Китап

Раббининъ эйилигине шукюр

Эльхамдюлилля!

¹ Эй, РАББИнинъ къуллары, Оны макътанъыз! РАББИнинъ Адыны макътанъыз!

² РАББИнинъ Адына алгъышлар олсун, шимдиден башлап эбедиен олсун!

³ Кунь догъгъан ерден, баткъан ерине къадар, РАББИнинъ Адына макътавлар олсун!

⁴ РАББИ бутюн халкъларнынъ устюндедир, шурети исе коклерден де юкъары!

⁵ Алламыз олгъан РАББИге ошагъан ким бар? О, юксеклерде отура,

⁶ эм ерни, эм коклерни бакъмакъ ичюн эгиле;

⁷ фукъарени О, топракътан котере, ёкъсулны куль тёпеден чыкъарып юксельте

⁸ ве оларны мырзаларнен, Озь халкъынынъ мырзаларынен отурта.

⁹ О, бала тапмагъан къадынны эвде ерлештирип, оны балаларына къувангъан бир ана япа. Эльхамдюлилля!