Salmos 35 - Cofán: Chiga Tevaen'jen

Na'su fuiteya'chove iñajan'cho

¹ Na'su, ñama iyiccayesundeccuma iyicca'yepa vanaejan. Ñai'ccu iyiccosundeccui'ccu iyiccoja.

² Sundaro tisuma panshaenqque'suma indiqquia'caen ñoñamba ñama fuiteye jija.

³ Nane dansan'cho, oma'ccoma'qque ñama mandiansundeccunga canjaenjan. Toya'caen “¡Ñajan quema ccushaen'su!” qquen condapa ña injama'chonga in'jaenjan.

¹⁹ Anttejama ñama iyiccayesundeccu avujatssi'faye. Anttejama ñama injanga chi'gasundeccu ñai'ccu feña'faye.

²⁰ Tsendeccuja opatsse canseya'chove tta'tta'fambi. Tsa'ma injama'choni afopoen'chove ñoña'fa va andeni opatsse canjensundeccuma dañoñe.

²¹ Ñama sha'ru'e dapa can'boemba su'fa: “¡Que can'faja! ¡Ingi tso'fei'ccu gi tise egama atte'fa!”

²² Na'su, que'qque qui vama atte. ¡Ziyajama ni ña'ñe biani can'jenjama!

²³ Na'su ña Chiga, ¡qquendyapa jangija! Tansintsse ñoñamba afaja ñama fuiteya'chove.