Proverbios 23 - Cofán: Chiga Tevaen'jen

Cu'ipa ccusian'cho

²⁹ ¿Majan tsu ñombi'yepa ina'jen? ¿Majan tsu iyiccopa i'namba afa'je? ¿Majan tsu injanga iñaccapa tso'fe cu'ave da?

³⁰ Que'i vinoma anttembe cu'isundeccu tsu. Toya'caen osha'cho cuiqque'suma cu'isundeccu tsu.

³¹ Tsa cu'a vino tasanga veyaratsse chanjumba, mapán tumbitsse ttopanga ja'ni'qque tsama in'janjama.

³² Tsaja iyoa'caen sinttupa iyo seje'pa'caen ai'voma dañoqque'su tsu.

³³ Nane que'i tso'fe osha'cho ccaninga'ma attesi que'i injama'cho'qque qquepa injiengembi'e dasi qui osha'cho ega've afa'faya.

³⁴ Shavonga mar'ye jayisi angongoen'jen'ni ana'jenqquia'caen qui oyaya. Fingiain'ccu jacan'cho sarupama ancaen'jen'cho quini'cco tsutopani ancanqquiacaen qui oyaya.

³⁵ Tsomba qui suya: “Ñama tssetsse'fa'ma ti gi in'jambi. Ma'ppi'fa'choma'qque ti gi atesumbi. Tsa'ma qquendya'ta gi faesu vinome ttatta'su jaya.”