Nehemías 9 - Cofán: Chiga Tevaen'jen

Egae tsincon'choma condase'cho

¹ Omboe, tsa ccovu'su a'ta veinte y cuatroqui, poi israendeccu ccase bo'fa. Bopa ambe'yi tisupa egae tsincon'chone ñombi'ye'choma canjaeñe in'jamba tsincco'cco'je'cco'a sarupa ondiccu'jema ondiccupa ande ccuttopa'sima tisu tsovenga ganga'fa.

² Tsomba faesu andesundeccu'ye joqquitssipa ccutsu'fa tisupa egae tsincon'choma toya'caen tise'pa tayopi'su coenzandeccu egae tsincon'choma'qque Chiganga condaseye.

³ Nane tsa'caen ccutsupa tsu tres horave paña'fa Na'su tise'pa Chiga manda'cho tevaen'jema afa'choma. Pañamba faesu tres horave tsu tisupa egae tsincon'choma Na'su Chiganga condasepa tisema ñotsse afa'fa.