Levítico 11 - Cofán: Chiga Tevaen'jen

Anqque'su, an'masia aña'cho

¹ Na'su Chigaja Moisés toya'caen Aarónma ttu'sepa qquen su:

² “Israendeccunga conda'faja poi va ande'su aña'cho'su tsu jo'su va'suyi ñoa'me anqque'su:

³ majan shoshovima amba dos se tse'tsepa an'jen'cho toya'caen tise tsu'tte'qque dos tsu'tte tsimian'ccove an'bian'cho.

⁴ “Tsa'ma va faesu aña'cho tsu an'masia: nane majanda tise anqque'suma dos se tse'tsepa an'jen'ma tise'pa tsu'tte tsu ccaninga'o. Faesuta tise tsu'tte dos tsu'tte tsimian'ccove an'bian'ma tise anqque'suma aqquia fae seyi amba cunde'je. “Nane cameyoja an'masia tsu. Tise anqque'suma dos se tse'tsepa an'jen'ma tsu'tte tsu ccaninga'o.

⁷ “Cochi'qque an'masia tsu. Nane tise tsu'tte dos tsu'tte tsimian'ccove an'bian'ma tsu tise anqque'suma aqquia fae seyi amba cunde'je.

⁸ “Tsesu aña'choma an'fajama. Nane tsa aña'choja an'masia'pa tsambe ai'vo pa'cho'qque pporaen'masia tsu. Ega qquen in'jan'cho aña'cho tsu.

⁴⁵ “Ña gi Na'su, que'ima Egipto'ye somboemba que'i Chigave da'cho. Ñajan tsa'caen ñotssiasi que'i'qque ñotsse'yi canse'faya'cho.”