Job 8 - Cofán: Chiga Tevaen'jen

¹ Tsonsi faesu amigo, Bildadja, qquen su:

² ¿Mi'nge'e qui ya'caen injanga afa'jeya? Aqquia fingian quian'me fingianqquia'caen qui afa'je.

³ Chiga Osha'choma Oshacho'choja tsangae tansintssia've in'jamba minguite'qque tise in'jamba antte'choma pasaeña'mbi.

⁴ Ñoa'me que dutssiyendeccu Chiganga egae tsinconsi tsu Tiseja antte cuintsu tsa'caen ñoa'me vana'faye.

⁵ Tsa'ma Chiga, tsa Osha'choma Oshacho'chove tta'ttapa tisema iñajanjan cuintsu quema mendeyeye.

⁶ Nane que tansintsse in'jamba tsa'caen ñotsse tson'ninda tsu Tiseja ñotssipa quema ñotsse in'jamba ccase quembe jinchonga quema ccutsiaña.

⁷ Que tayopi an'bian'cho re'riccoqquia'caen tsu attiaña. Nane tsama ñoa'me ti'tsse joccapitssia tsu que jai'ngae isupa an'biaña'cho.