Job 6 - Cofán: Chiga Tevaen'jen

¹ Tsonsi Jobja su:

² Dusianccunga ña vana'jen'choma agattoye oshapa dusiancan'choecan'da tsu

³ pa'cco marni'su sisipama ti'tsse tssai'ave agattoyeya. Tsa'cansi gi iyicca'yeqquia'caen afa.

⁸ ¡Isha tsu Chigaja, ña iñajan'choma pañamba ña in'jan'chove tsoña!

⁹ Isha tsu Chigaja ñama ti'tsse cansiañe se'pipa osefa'pave ñama ccuchapa nepian.

¹⁰ Nane tsa'caen tsonsi toya iña'sui'ccu vana'jen'an'qque toya gi in'jan ña Ño'an Chigambe manda'choma pañamba anttembe'yi tson'jen'choma.

¹¹ Quin'su me'cho gi bo'tsse canseye. ¿Ma'caen gi ti'tsse quin'supa canseya?

²⁸ Tsa'ma cambajunaccu ñama camba ña afopoen'ninda tansintsse ñanga condaja.

²⁹ Que iyu'u'choma anttepa ñane ñotsse in'jamba ña su'choma'qque ñotsse pañamba in'janjan.

³⁰ ¿Ñajan afopoen'su qquen ti qui in'jan? Me'in. Ñajan ñotsse injiengepa ña in'janqquia'caen afa'su.