Deuteronomio 24 - Cofán: Chiga Tevaen'jen

Pushema catiya'chone manda'cho

¹ Tsandie pushesuma pushepa omboe tise ma'caen jinchosi chi'gapa catiye in'jan'da tsu catiya'cho tevaen'jema tevaemba afepa tisu tsa'o'ye joqquitssiaña'cho.

² Pushesu'qque tsa'o'ye sombopa faesuma tsa'nduye osha.

³ Tsa'ma ccase tsa'ndusi tsa tsandie'qque tisema chi'gapa catiya'cho tevaen'jema tevaemba afepa tise tsa'o'ye joqquitssian'ninda (tsambi'ta tise pa'ninda)

⁴ o'tien'su tsa'nduja tisema tayo catipa ccase pusheye oshambi Na'su Chigama iyicca'yeansa'ne. Nane pushesu faesu tsandiei'ccu can'jemba tayo dañongeqquia'caen ega. Tsa'caen tsomba Na'su que'i Chiga que'inga afepa an'biaña'cho andema daño'fajama.